1 Malikwa 14:7 - NABUWWA KEE MALIKWA

⁷ Yarobqamak intu waytam koh warisu waak am» teetik iyye. Qari kaal culte waqdi, «YALLAY Israayil doore Dageltah yani, ‹Ummat addak doorru koo heeh, Israayil ummatay yi marah yanik malik koo abe.

1 Malikwa 14:7 Referans Kwoze

1 Malikwa 16:2

Nabi-Yaahu, too farmo kaal qideeh kaak iyyeemih, «YALLI kok iyyemii, ‹Tu'numuh masuginnitooy; inkih tan Israayil ummattay yi ummat kinnik abba koo abe. Tonna'mmay Yarobqamak kaxxih dambi le taamat asseeh, Israayil ummat dambi le taamat asisse. Oson aban dambih yot naqbi haak suge.

1 Malikwa 12:24

«Keenik intaamah, ‹Israayil mari sin tooboko'mmay, qeebi keenit maabina. Away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih; yakkeenimik isinni buxah yuduuren.

1 Samuwel 15:16

Samuwel, ‹Kalay tibba 'xic; woo yab hinnak. YALLI bir yok iyyem koh warisu waak, oobbey» kaak iyye. Saawul, «Yoh waris hay» iyye.

1 Malikwa 11:28

Yarobqam furraynuy taamak taqabe sinnih sinaamak addak inti edde raddahiyya kinnim yuble. Too waqdi Manasse kee Efrayim kedoh rasul, tamsissa haan marak inkih abba kaa abe.

1 Malikwa 14:6

Aciiya qarik afak cultaamih karbaaca teetik yoobbe waqdi teetik iyyeemih, «Annah culey, Yarobqam barra kinnitom kok aaxigehik, aki weelot akah gacteh temeetem macaa? Cul annah am; saaha sinni xaagu koh abbixek.

Hosiqa 13:11

Sin inqibe saaku malik siinih hee. Siinih bagcarrite saaku woo malik siinik kale.

1 Malikwa 11:35

Takkay immay Suleemanak raaqu waa baxak dardaarinna beyya heeh, taban takke kedoh abbootan koh akak aceeyyo.

1 Malikwa 11:37

Yarobqamow! Koo Israayil malik abeyyooh, isih faxxa hayte rasul inkih abba koo abeyyo.

1 Malikwa 13:34

Too umaaney usuk abak sugehiyya ellecabol kaa kee kay dardaarinna baati kee qaasir-umaane xalte.