1 Malikwa 13:9 - NABUWWA KEE MALIKWA

⁹ YALLI, ‹Too aracal tu maxagin; tu maaqabin. Isi buxah taduure waqdi, akak temeete gita hinna'mmay, aki gitak gacca xicay gex› 'yaanam yok iyye ikkal, ku buxah magexa» kaak iyye.

1 Malikwa 13:9 Referans Kwoze

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.

1 Malikwa 13:8

Nabi tohuk kaal gacsemii, «Isih lito gaddaliinok garab yoh teceemih ku buxal ko'lih magexa; akkel leek maaqo maxaga.

1 Malikwa 13:10

Tohuksa usuk isi buxa yaduure'gidih, akak yemeete gitak magacinna.

1 Malikwa 13:16

Yuudâ-rasuk yemeete nabi, «Aleey, qibnaytiinoh buxa ko'lih magexa; akkel kaadu tu ko'lih makmaay maaquba.

1 Malikwa 13:19

Too waqdi Yuudâ-rasuk yemeete nabi, kay buxa kaa'lih gexe. Buxal maaqo kaa'lih akamuk suge waqdi, YALLIH qangara idaltuh yan nabil obte.