1 Malikwa 13:6 - NABUWWA KEE MALIKWA

⁶ Too waqdi Yarobqam nabik iyyeemih, «Ku maganah, gaba yok akah sugte'nnah gacta'gidih, YALLAY ku Dagelta kinni yoh kallac» kaak iyye. Nabi YALLA kaah kallaceeh, too waqdi malik gaba akah sugga 'te innah gacte.

1 Malikwa 13:6 Referans Kwoze

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Malikwa 13:5

Woo sadgatih-arac kaadu garciik baaxol radeeh, sadgat-aracih amol suge gombod baaxol caxite. YALLIH migaaqal nabi iyyem tonnal tekke.

Zakariyya 7:2

Beetal deqsitta magaalal yen mari, Sarxer kee Ragemmelek deqsita marih nammay kee woo marih mara, YALLAY Nabaamak Nabahiyyah Qibaadah Qari fan ruuben. Ken akah ruubeenim, seeka kee nabuwwa dooqa keenih abta'gidik ten.