1 Malikwa 13:18 - NABUWWA KEE MALIKWA

¹⁸ Beetal rasul suge idaltuh yan nabi diraabah kaak iyyeemih, «Anu innih kok kaxxih nabi kinniyooh; YALLII, malaykattu yol ruubeeh; too malaykatti yok iyyeemih, ‹YALLI, Tama-nabi buxah beyaay qibnaytiino kaah ab, kok iyyah yan› 'yaanam yok iyyeeh; koo beyu waa» kaak iyye.

1 Malikwa 13:18 Referans Kwoze

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 5:12

Yallih-mari YALLA cineeh, iyyeenimih, «YALLI abaamah lem mali. Nanu kaadu ahaysa gibdaabinah linom mannu. Ahaysa carbi kee qululuh nabalu waynam mannu.

Yasaqya 9:15

Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Makaabon 13:3

YALLIH malaykatti teetih yumbulleeh teetik iyyeemih, «Maxalaytoh sugteeh, ahayduma xalteh masuginnito'mmay, ahaysa xayih aadiqettoh lab-baxa xaletto.

1 Malikwa 13:19

Too waqdi Yuudâ-rasuk yemeete nabi, kay buxa kaa'lih gexe. Buxal maaqo kaa'lih akamuk suge waqdi, YALLIH qangara idaltuh yan nabil obte.

1 Malikwa 20:35

YALLIH amrih, butta-takke-nabuwwah-addak, nabi amma iyyeeh isi innah yan nabik, «Yoo utuk» iyye. Woo nabi woh kaak cineh.

Yasaqya 36:10

Qagisak iyyemii, «A baaxo baysa'gidih akah emeetem, YALLIH cato maleh, inni amrih abam maay takkale? YALLI, ‹Woo baaxo ibbixay bayisa› 'yaanam isih yok iyye, 'yaanam kaak inxica» keenik iyye.

Ermiyaas 29:31

«Baabelon fan seewah beyya heen marak intamaa, YALLI siinik iyyamaa, ‹Nacelaamal yooboke Samaqya dirab siinil yaceeh, anu kaa maruubinniyo'mmay, anu kaak axce weem, anu excem siinit celsiisa. Dirab numma siinit celsiiseeh; kay yab teemeneenih.

Ermiyaas 29:32

Tonna'mmay Samaqya kee kaak radda 'ye marat raq sinni digaala abeyyo. Tahaysa kaa kee kaak rade mara matablan. Anu inni marah abu waa maqaanet magarayan. Yi yab cina mara sin abe'mmay, tohih sabbatah tamah kaal baahu waama. Tahat yabtam yoo YALLA› keenik inxic» yok iyye.

Yacedkel 13:8

«Tonna-leemik YALLAY Mulki lehiyya siinik iyyaamah, ‹Isin edde yabtan yab diraabaay; «Nubleh» intan wacyi tublen wacyi hinna. Tohih sabbatah tahal saduh siinil an› siinik iyya.

1 Malikwa 22:22

YALLI, ‹Mannal abettooh?› iyye waqdi, ‹Gexxa exceh Acab nabuwwa diraabat yaabiseyyo› 'yaanam inte. YALLI too waqdi, ‹Gexay, kaa ayris, ku gabal bicelek› 'yaanam axcih uble» kaak iyye.