1 Malikwa 12:26 - NABUWWA KEE MALIKWA

^26-27 Too waqdi isi bagul yucsubeemih, «Away tu elle tani'nnak yi mari Yarusalaam fan gexeeh, wokkel Qibaadâ-Qaril YALLIH migaaqal sadgat aben ken tekkek, malik Racabqam mara akkeloonuuh, tonnal yoo qidelon» 'yaanam yucsube.

1 Malikwa 12:26 Referans Kwoze

Yasaqya 7:9

Israayil tet inaytah magaalah tan Samaariyak qandeh mataysa. Samaariya kaadu Ramalyaahû-baxak qandeh mataysa. Imaanal digga axce wayteenik, isin kaadu digga mantan» 'yaanam Yasaqyak iyye. Yasaqya too farmo Acadah warse.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

1 Samuwel 27:1

Dawud isi bagul, «Ta xayyu kinni ayro maaxiga'mmay, Saawul ayrok teena yoo qide'kal maraaqa. Hay tohuk maca abam meqe? Filistiin rasu fan gexaama. Tokke gexem yoobbek, Israayil baaxol yoo gorrisaamak raaqele. Tohuk wadir yoo elle qida'nna mageya» 'yaanam isi bagul yucsube.

1 Malikwa 12:25

Israayil malikih yen Yarobqam, Efrayim kedoh qaleela mango aracal ten Seekem deqsitta magaalat maroh gaso heeh, sarrak dago gide wokkel suge. Waqlak wadir wokke cabeh gexeeh, Fanyel magaalat maroh gaso hee.

1 Malikwa 15:17

Malik Baqsa Yuudâ-rasu warareeh; sinam Yuudâ-rasu awqe waytaah afak akah cule wayta innah, Raama deqsitta magaalat maro teetit haam qimbise.

2 Malikwa 13:2

Yowaahad YALLAL dambi lem baahak sugeeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge. Edde suge uma-taama way macabinna.