1 Malikwa 12:16 - NABUWWA KEE MALIKWA

¹⁶ Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

1 Malikwa 12:16 Referans Kwoze

2 Samuwel 20:1

Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

Ermiyaas 33:21

Too bis le qahdi Dawuduy yi naqasuh yanihiyya kee Leewih tooboke seeka lih heeh en. Toh kaadu macâ-qahdiiy inteenik, Dawuduk rade marak numuk teena malik abeyyo 'yaanamah qahdi culeeh, Leewih yooboke marak numuk teena sek abeyyo 'yaanamal qahdi culeh en. Ta qahdi baya qahdi hinna.

2 Aydaad 10:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

Yasaqya 7:2

Yuudâ-malikiy Dawuduk radehiyya Suuriyah qaskar Israayil rasih adda cultem yoobbe waqdi, kaa kee raqqa 'ye mari kaxxam cunxiteeh, caacay yasgayye caxah innah gacen.

1 Malikwa 22:36

Ayro cultam faxxa waqdi, Israayil qaskarih abbobti amri tecee. Iyyeenimihii, «Kulli num isi baaxo kee isi magaala siinik yaduuray» 'yaanam iyyen.

1 Malikwa 22:17

Miikayhu too waqdi kaak iyyeemih, «Israayil qaskaray loyna sinni illi innah fixixih tanihiyya ableh an» iyye. Qagissa heeh, «YALLI ‹A mari is miraacisa abba leh mayanak, isinni buxaaxih gexxaasitoonay inxic» 'yaanam axcuk oobbe» iyye.

1 Malikwa 11:39

Suleeman abe dambih, Dawuduk radu waa mara digaaleyyo. Takkay immay amurruqe wayta digaalah ken madigaala› » 'yaanam too nabi kaak iyye.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:34

Tonna'mmay, tohuh, luk suge reedak inkitanuuk kaa moobisaay, yanim fanah luk suge dardaarinnih qarkaytol yanay kaa axceyyo. Toh akah abu waam, kay maqaane hinna'mmay, yi naqasuh yen Dawuduy anu doorey anu amrisem abak yeneeh, anu oobise xintol tanim kee anu aba axcem duudusak yenehiyyah taaga.

1 Malikwa 11:13

Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

2 Samuwel 16:11

Tohuk lakal Dawud Abiisay kee kay gubal taamita doolat marak iyyemii, «Inni sammok xale baxi yoo qidam faxa way, isin a numih xaafu macah waagissan? A xaafu kay afat haytem YALLA. Tonna-leemik yanay kaa inxicaay, aba xaafu abitay kaa 'xica.

2 Samuwel 15:13

Num Dawuduh farmo baaheeh, kaak iyyemii, «Israayil mari Absalaamak, ‹Ku kabut gacennooh ko'lih rabenno› 'yaanam axcuk yenen» iyye.

Makaabon 8:35

Gidqoonuy woo gid takke maqaane inkih keenih abehiyyah buxâ-marah galto magacsinnon.

1 Malikwa 11:11

kaak iyyeemih, «Atu makkook itta lih haysinne bicih bagul geytime wayteeh, yi amri oggole wayteemih sabbatah, away lito malaakinna kok beyya heeh kok gubal yan numuh acee liyom koh warsah an.

1 Malikwa 11:35

Takkay immay Suleemanak raaqu waa baxak dardaarinna beyya heeh, taban takke kedoh abbootan koh akak aceeyyo.

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

Yacedkel 37:16

«Bani-adantow, caxxa baahay, ‹Yuudâ doolat kee kaa'lih yan Israayilih yooboke mara› 'yaanam bagul akak uktub. Kaadu gersi caxxa baahay, ‹Yuusuf-Efrayim kee kaa'lih yan Israayilih yooboke mara› 'yaanam elle uktub.

Makaabon 9:28

Gaqal iyyeemih, «Nanu Seekem magaalal yan marak, mannah yan marak nanih nan, labhay! Abimalik gubat akah gacnam macaay? Usuk iyyaay, nanu iyya? Gidqoon baxih gubat akah gacnam mannu. Dabul kaa oggolayik, nanu macah kaa oggola? Labhay Abimalik hinnak, isin akak radden sin kaxxa abbah Camor madqa kataata» iyye.