1 Malikwa 12:1 - NABUWWA KEE MALIKWA

¹ Racabqam kiblat le kabut raaqa Israayil mari malik kaa aba'gidih, elle mododeh suge Seekem deqsitta magaala fan gexe.

1 Malikwa 12:1 Referans Kwoze

Makaabon 9:6

Sarrî-saaku Seekem kee Beet-Millo deqsitta magaalah mari titta geyya heeh, Seekemil qamiddi garil tan garsah gubal Abimalik reediseeniih, malik kaa aben.

1 Malikwa 11:43

Tohuk lakal rabeeh Yarusalaamal Dawud-Magaala deqsita caafatal kaa yoogoqen. Kay baxay Racabqam deqsitahiyya kay lakal malik yekke.

Makaabon 9:1

Gidqoón-Abimalik, Seekem deqsitta magaalay kay abiino elle tanihiyya fan gexe.

Yoosuwa 24:32

Yuusuf ginaaday Israayil mari Masrik baahehiyya Seekem deqsita aracal yoogoqen. Woo arac Yaqkuub, Camor xaylok bool garsih xaame aracak ten. Camor, Seekem abbak ten. A baaxo Yuusuf abuusi nagre.

Yoosuwa 24:1

Yoosuwa Seekem deqsita aracal Israayilik rade mara inkih gaaboyse. Tokkel idoola kee kedoh abbobtiiy cokmaaba kee ummattâ qaskarih abbobtih inkih seeco abeeh; oson Yallih Qibaadah Siraqih foocal gaaboowen.

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.

Ermiyaas 41:5

Seekem kee Siilo kee Samaariya deqsitta magaaloolik bacra-tabanih num yemeete. Too mari deben isik mollaay, tonnah kaadu, sara isinnik qanxissa heenih yemeeten. Xagar kaadu isinnik toobiyeenih yemeeten. Yemeeten waqdi, Yarusalaamal YALLIH Qibaadah-Qaril sadgatah xayyoosoonu waan daro kee qaydarus gabat luk yemeeten.

1 Malikwa 12:25

Israayil malikih yen Yarobqam, Efrayim kedoh qaleela mango aracal ten Seekem deqsitta magaalat maroh gaso heeh, sarrak dago gide wokkel suge. Waqlak wadir wokke cabeh gexeeh, Fanyel magaalat maroh gaso hee.

2 Aydaad 11:1

Malik Racabqam Yarusalaam magaala gufe waqdi, Benyam kee Yuudâ kedoh addak bool kee bacra-tabanih alfi takke qaskaray dooro lehiyyah seeco abeeh, inki'kkel ken gaaboyse. Toh akah abem, kilbat le kabut raqta Israayilih ummattah amol malikih gacam faxak yen.