1 Malikwa 11:36 - NABUWWA KEE MALIKWA

³⁶ Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 11:36 Referans Kwoze

2 Malikwa 8:19

Tohuh, YALLI Yuuda bayisam mafaxinna. Toh akah tekkemii, YALLI kay naqasuh yen Dawuduk, «Ku reeda baxak-baxal raaqele ikkal, bayya m'inta» 'yaanam axcuk, tohul xagna kaah culeh yen.

1 Malikwa 15:4

Takkay immay YALLI, kay-kaxxa-abba Dawud taagah lab-baxay malik yakku waa kaah yeceeh; tonnah kaadu Yarusalaam saayah xiinise.

1 Malikwa 11:13

Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

1 Malikwa 11:32

Sarrak kaadu qagissa heeh, kaak iyyeemih, «Yalli iyyemii, ‹Dawuduy yi naqasuh yenehiyya kee, Yarusalaam magaalay inkih tan Israayil addak inni magaala abehiyyah taagah, Suleemanah inki kedo cabeyyo.

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

2 Samuwel 7:29

Yok radda inteemih reeda baxak baxal akah raqta innah, isi barkat keenit hay. YALLAW, Mulki le Dageltaw, tah kaadu atu isih xagana akah culteemi. Tonna-leemiik, atu elle inte innal, yooy ku naqasuh yanik radda 'ya marat barkat kulli way heettom aaxigeh» 'yaanam iyye.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

2 Samuwel 22:29

Ifu yok kinnito. YALLAW, yi Dageltaw, dite ifu yoh abte.

1 Malikwa 11:37

Yarobqamow! Koo Israayil malik abeyyooh, isih faxxa hayte rasul inkih abba koo abeyyo.

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

1 Malikwa 14:21

Suleeman baxi Racabqam, Yuudâ-malik yekke saaku, morootom kee inki karmat yen. Yarusalaam magaalay YALLI Israayil magaalak inkih isi qibaadah abittoh doorehiyyal, taban kee malcina karma malikih suge. Racabqam ina Naqma deqsitta barrak teneeh, Qammon deqsita marah aabakuk ten.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

2 Aydaad 12:13

Racabqam Yarusalaamal malikih elle raaqeeh, qandeh lafitak lafte. Naharak malik yekke saaku qumrik morootom kee inki sanatat yeneeh, taban kee malcina sanat Yarusalaam magaalal malikih suge. Yarusalaam magaala, YALLI inkih yan Israayil rasuk kay qibaada elle abaana'gidih doore magaalak ten. Racabqam ina migaaqah Naqma deqsitak teneeh; Qammon deqsita marah aabakuk ten.