1 Malikwa 11:13 - NABUWWA KEE MALIKWA

¹³ Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

1 Malikwa 11:13 Referans Kwoze

1 Malikwa 12:20

Israayil mari Yarobqam Masrik yuduurem yoobben waqdi, elle kobxeenih sugen arac fan yamaate'gidih, kaah seeceeniih; tokke yemeete waqdi malik kaa aben. Yuudah yooboke mari dibuk Dawuduk rade marih gubat raaqe.

1 Malikwa 11:32

Sarrak kaadu qagissa heeh, kaak iyyeemih, «Yalli iyyemii, ‹Dawuduy yi naqasuh yenehiyya kee, Yarusalaam magaalay inkih tan Israayil addak inni magaala abehiyyah taagah, Suleemanah inki kedo cabeyyo.

Yasaqya 62:1

Yarusalaamah liyo kacanuk gexxaamah yaabu waa; Siyon waddintam fanah tibba maxcaay, is geyta cakkik-tan-maqaane, bar ursan girah innah, urtam fanah maffoofa.

Yasaqya 14:32

Filistiin rasuk farmo baaha maral maca gacsenno? YALLI Siyon-magaala xiseeh, kay ummattay xukko elle tanihiyya tokkel amaan geeloonum keenih warsenno.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 21:4

YALLIH Qibaadah-Qarih addal, diini-maleela taqbude sadgat elle aban arooca bicse. Woo sadgat arooca elle bicsem, YALLI duma «Yarusalaamal yi qibaada elle takke'gidih doore» akak iyye aracak ten.

2 Malikwa 19:34

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

1 Malikwa 11:39

Suleeman abe dambih, Dawuduk radu waa mara digaaleyyo. Takkay immay amurruqe wayta digaalah ken madigaala› » 'yaanam too nabi kaak iyye.

1 Malikwa 8:29

A qarik bar kee loqoh amo wagit. A qariy ku qibaada-elle-takke'gidih doortehiyyah fan ufkunna exceh kulli waqdi abah an dooqa yok raabit.

1 Malikwa 11:14

YALLI, Hadad deqsita numuy Edom dardaarah mare luk yenehiyya Suleemanak naqboyta abe.

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

1 Malikwa 12:19

Too ayrok wadir, Israayil rasuk kilbat le qaxat raqta ummatta inkih Dawuduk raaqe dardaarinnal saduh gacen.

2 Malikwa 8:19

Tohuh, YALLI Yuuda bayisam mafaxinna. Toh akah tekkemii, YALLI kay naqasuh yen Dawuduk, «Ku reeda baxak-baxal raaqele ikkal, bayya m'inta» 'yaanam axcuk, tohul xagna kaah culeh yen.