1 Malikwa 10:3 - NABUWWA KEE MALIKWA

³ Too esseroy is kaa essertehiyya tiya-tiyah teetih gacse. Usuk gacsa akah waa esserok masuginna.

1 Malikwa 10:3 Referans Kwoze

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

2 Aydaad 9:2

Too esseroy is kaa essertehiyya tiya-tiyah teetih gacse. Usuk gacsa akah waa esserok masuginna.

1 Malikwa 10:1

Saba deqsitta baaxoh maliká, Suleeman le migaq-gexxo toobbe waqdi, kinni num kaak tabaluuy, gibdi esseroorak mangom kaa essertuh, kaa fan gexxe.

1 Malikwa 3:12

too atu-faxxem koh aceeyyo. Kas kee bagi-cubbiy sahdayti ahayduma gee weeh, sarra gee wayu-waa koh aceeyyo.

2 Samuwel 14:20

Qagisseh intemii, «Yowab tah akah abem, away yan caalat gitah gacsa'gidi. Yi malikow, kasah Yallih malaykah inna litoh takku waytam taaxigeh» inte.

2 Samuwel 14:17

Qagisseh kaadu intemii, «Yi malikow, atu Yallih malaykattih gideey, umam kee meqem tittak baxissu dudda. Tonna-leemik, malik yoh culu waa xagni yoo catele, 'yaanam inni afqadol heeh emeete. YALLAY ku Dagelti kinni ku qaxa yakkay!» inte.

1 Malikwa 10:2

Mango mara wakalih is lih hayyaay, gaalal caxâ-sifaay bilqah haan xeetiy limo gibdihiyya kee, kaxxam mango dahabak eerra hayteh gexxe. Usuk elle yan Yarusalaam fan temeete waqdi, kaa essertam faxak sugte esseroy niyat luk sugtehiyya kaa esserteh.

1 Malikwa 10:4

Too waqdi Sabâ-Maliká, Suleeman kas tubleeh; usuk xise qariiy,