1 Malikwa 10:22 - NABUWWA KEE MALIKWA

²² Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

1 Malikwa 10:22 Referans Kwoze

1 Malikwa 22:48

Malik-Yacoosafat kaxxa badal gexa maraakib Oofir rasul dahab goranah gexa'gidih bicse. Takkay immay woo maraakib wokkel elle, Qexyon-Gabar deqsita aracal finqiteeh gexak maraaqinna.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 23:10

Ahaysa Suur maraw, booruy duyye siinih elle obta mantoonuk, Niil-weeqaytih garil yan marih innah, baaxo ubqura.

Yasaqya 23:6

Isin baddi-afal yan maraw, rookitaay boogisa. Isbaaniyah baaxo fan kuddaanam gabbata.

Yasaqya 23:1

Yalli, Suur magaalah giddinaamak ruube farmo ah teeti. Suur baateeh; Suurul amaatuk yen maraakib edde culak yen marso kee qarwa bayteh immay, maraakib maraw, weeqaay boogisa. Sin maraakib Kobroosuk yuduure saaku, sin qambaltam ta xaagu.

Yasaqya 2:16

Kaxxa nabna kee qaxa le maraakib finqisele.

2 Aydaad 9:21

Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Qaamus 3:15

Cagayak-cagay elle gacan qarwa kee, gilalak-gilal addal akak dabaaqah gacan qarwa keenik bututtukka heeyyo. Dakani moddiinit bilqisen qarwak tu maraqtay, bututtukka axcele. Mango qarwa addigilleleeh, suge wayteh innah gacele» 'yaanam YALLI iyya.

Yacedkel 27:12

«Isbaaniyah rasu lih badaaqat abak ten. Caddo sinni duyyey keenil teylemmehiyyat milaaguh (libaakih), lakqooy biriitaay dingo kee qarar geyak sugte.

1 Malikwa 10:18

Tohuk kalah kaxxam naba dardaarinni-korsi luk yen. Woo korsi dakni-qaagak bicseenih, agle sinni dahabak exfen.

1 Malikwa 9:26

Malik Suleeman, Edom rasuk Agba deqsitta caraatih afal Eelat deqsita aracal xayuk raqta Qexyon-Gabar deqsitta magaalal maraakib bicsiise.

1 Malikwa 10:21

Malik Suleeman elle yaaqube kobbaayiy inkih dahabak ten. «Lubnaan Garboh kaxxa Goli» deqsita aracih addal ten mingilwa kaadu akak bicseenim saafik yan dahabak ten. Suleeman dabaanal lakqok bicsen duyye hebeltô-tu'xiq luk mananna. Tonna-leemik kay buxal lakqok bicsen duyye masuginna.

Yacedkel 27:15

Roodes deqsita mara kee koo tellemmo titta lih abak sugten. Baddi afal suge mari duyye kok abuuduh beyya haanaah, woo duyyet milaaguh (libaakih), dakani-qaag kee data gurmud le caxak yirgiqen coox koh edde acayuk sugen.

1 Malikwa 22:49

Yacoosafat maraakib bicisak suge waqdi, Israayil-malikih yen Malik-Acadya, kaak, «Yi mari ku mara lih maraakibit gexay inxic» 'yaanam kaak iyye. Yacoosafat toh kaak cineh.