1 Malikwa 10:11 - NABUWWA KEE MALIKWA

¹¹ Curam maraakibit taamita mari, Oofir deqsita rasuk dahab kaah baahen. Too mari tohuk kalah duyyê-xisoh meqe mango coox kee bilqah haan xeetiy limo gibdihiyya baahen.

1 Malikwa 10:11 Referans Kwoze

2 Aydaad 8:18

Curam deqsita malik, maraakib kee woo maraakib amrissa abbobti, maraakib badal nagay beytu taaxige labha lih hayya heeh ruube. Too maraakibit sarrak Suleeman mara lih Oofir deqsitta baaxo fan gexen. Tokkek, dahabak taban kee koona alfih kiilok fula takkem baahen.

2 Aydaad 2:8

Ku mari, coox-garuq kee missoysiyyal nagay tan ixxiga loonum keenik aaxigeh immay, Lubnaan rasuk sariida kee saagan kee gersi coox irgiqay yoh ruubetto. Anu inni kabuk ken catu waa mara ruubeyyo.

1 Malikwa 10:12

Suleeman too coox YALLIH Qibaadah-Qari kee isi qarit hayu waa gutqeyna hee. Gad abeenitih kaadu *begena kee kirar akak bicsaana'gidih hee. Too xaqan le coox Israayil baaxo baaheenih masuginnon. Sarrah baahak maraaqinnon.

1 Aydaad 1:23

Oofiriiy Cawiila kee Yobaaba. Ta mari inkih akak radem Yoktaan deqsita numu.

2 Aydaad 2:7

Toh too tiya'mmay taway kok axcemii, duyyeeyâ-bagul kutbe haah, dahab kee lakqooy nacaas kee birti bicsa yaaxigeeh, tonnah kaadu, kuclinan kee qasdiiminaanaay qisik sari bicsa yaaxige num yoh rubtaama. Too num rubta waqdi, yi abba dumaak abbaxuk suge gabâ naggaarinna le maray Yuudâ-baaxo kee Yarusalaam magaalal yanihiyya lih taamitele.