1 Malikwa 1:40 - NABUWWA KEE MALIKWA

⁴⁰ Tohuk lakal yakkeenimiik lakak kaa katayak, qililisakaay fooxima fooxisak, baaxo edde engeyya 'ta farcih africuk, Yarusalaam fan yuduuren.

1 Malikwa 1:40 Referans Kwoze

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Daaniyel 3:5

*baanta kee fooximaay kirar kee *begenaay karambo kee gersi duyyey gadah yaagureenih anay taabboonu waytan waqdi, Malik Nabkadnessar soolise ceeloy dahabak bicseenihiyyah qibaadah, takkeenimik inkih gommoh radetton.

2 Malikwa 11:20

Ummatta inkih ruffa 'teeh; Qatalya malik-buxal qideenimih sabbatah, magaalal karbacca intam masuginna.

2 Malikwa 11:14

Woo baaxol qaadah akah abak sugen innah, YALLIH Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Farcatak yan maray waxxaq iyya kee baanta yaagurehiyya tuble. Toh tuble waqdi Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.

1 Samuwel 11:15

Too waqdi yakkeenimik Gilgal fan gexen. Tokkel woo taahirik yen aracal, Saawul ken malik kinnim diggoysen. Sarrak amaanah xiinaanamih astah aban sadgat YALLAH aben. Saawul kee raqqa 'ye Israayil mari inkih too ayro tekkem yessekexxeenih.

1 Malikwa 1:39

Tokkel, Sek Saaduk, Yallih Nabnah-Siraqih addak mingilil baahe caxâ xaylok bicsen *zeytit (saliidit) malik yakke'gidih, Suleeman yuskute. Sarrak baanta yoogoreeniih, too waqdi tokkel suggu 'ye mari inkih anay fayya haak, «Malik Suleeman ani haay! Malik Suleeman ani haay!» iyyen.

1 Malikwa 1:41

Qadoona kee kay mara maaqok gaba elle kalte ikkel, a xongolo keenil radde. Yowab baantah anay yoobbeeh, «Sugay, a gideh xongolo magaalal akah raddam macaa?» iyyeh esserak suge waqdi,

1 Malikwa 1:45

Saaduk kee Naatanak, ‹Isin Gicoon buyyih garil kaa uskuta› 'yaanam iyye. Tohuk gaba kalen waqdi, too mari wallitakaay kayyiqtu edde haak magaala yemeeteenih; away aabbuk sugteenim too xongolo.

1 Samuwel 4:5

Woo sandug baahen waqdi Israayil mari farcik gexxaamah baaxo edde engeyya inta xongoloh xongolen.