1 Aydaad 9:22 - NABUWWA KEE MALIKWA

²² Yallih Qibaadah-Qarih afat dacayrih yan mari sittat namma bool kee taban kee namma num akkuk yen. Ken migooqa kee akak raden marih migooqa, oson elle sugen mandarwal kitaabal tunkuttubeh ten. Malik Dawud kee nabi Samuwel a taamak amo wagtaanam, oson akak raden marih gabal heen.

1 Aydaad 9:22 Referans Kwoze

1 Samuwel 9:9

«Ah meqe yaabak, nee bey hay» iyye. Too waqdi woo Yallih num elle yani'kke fan gexen. Woo magaala elle tan koomah amo awaquk sugen waqdi, lee baaha'gidih gexa baxuw keenit yongoorowe. Woo baxuuwuk, «Tu-yaaxigi magaalal elle yanii?» iyyen. Woo dabaanal Israayil baaxol nabik ‹Tu-yaaxigi› axcuk yeneenih, num Yallal tuk teena esseram faxek, ‹Tu-yaaxigil nee bey› axcuk yenen.

1 Aydaad 28:13

Tohuk kalah kaah warsem macaay inteenik, seeka kee Leewih yooboke mara exxa-exxal akah kurra hee innaay; YALLIH Qibaadah-Qaril keenil tan taama akah aban innaay; wohuk kalah kaadu, Qibaadâ-Qarih addal Yallih sadgat wagga hayta taama edde aban mingilwa kee duyyeeyah amo akah wagtan innah ken missoysaanaah bical haanamih tiyak kaadu isit celtam kaah warse.

Nacmiya 12:44

Too saaku, Yallih Qibaadah-Qarih gaaboysan duyye kee, Yallih Qibaadah-Qaril gaaboysan dakaat kee, kulli sanatal darok naharat orobte daro kee, naharal alaye caxâ-miru elle daanisan qarih dacayrih taamat labha heen. Ta mari magaaloolil xayi buqreh baaxok ta maaqo seeka kee Leewih yooboke marah gaaboysaanam taamah luk yenen. Toh kitab elle iyya'nnal abak yenen. Yuudah yooboke mari inkih, seeka kee Leewih yooboke mari abe taama yossokooteh yen.

Nacmiya 11:36

Leewih yooboke marak garabay Yuudâ-rasul dabaaqah duma sugehiyya Benyaamah yooboke mara lih dabaaqah heen.

2 Aydaad 31:18

Oson yakkeenimik, isinni kee isinni xaylooy agabu migooqa isinnik yuktubeenih; toh akah abeenim, woo mari inkih imaanak gexxaamah taahirik isinni abbaxuk sugeenimik ten.

2 Aydaad 31:15

Gersi magaalooliy seeka elle sugtehiyyal too taamal Leewih yooboke mari meqe'nnah kaa cate. Too maray kaa catehiyya migaaqah Qadan kee Minyaamin kee Yaasuwa kee Samaqya kee Amarya kee Sekanya deqsitak yen. Oson, keenik taama elle tani'nnal, keenik kaxxih Leewih yooboke marak qunxam kee kaxxaamak tu raaqe'kal, maaqo missal keenih meklen.

1 Aydaad 28:21

Qibaadâ-Qari xissu wayta saaku, seeka kee Leewih yooboke mari kaadu addal akak aboonu waan taamah bical yanin. Gabâ naggaarinna elle haah taamah ixxiga elli haa mari a taamal cataanamih fayxih qambaxxaagitak yanin. Wohuk raqqa 'te ummat kee ken abbobti a taamal atu ken akah amrisinnaanim abelon» 'yaanam kaak iyye.

1 Aydaad 9:31

Sadgatah tantacawwu wayta gasiitah bicsiyya, Leewih yooboke numuy Mattitya deqsitahiyya gabal heen. Mattityaay Koracak rade marah yooboke Sallum deqsita numuk naharsi-baxak ten.

1 Aydaad 9:16

Samaqyâ-Qobadya deqsita numuk ten. Kay kaxxa-abba Galal deqsitak yeneeh, Galal Yedutun baxak ten. Aasâ-Barkiyya deqsita numuk ten. Kay kaxxa-abba Elkaana deqsitak yen. Elkaana Natoofâ-magaala dariifal ten baaxol geytimta gaandoodil daffeyak yen numu.

1 Aydaad 9:23

Tonna leemik, YALLIH Qibaadah-Qarih afat dacayri, adok ado fanah abak sugen.

2 Aydaad 23:19

Tohuk kalah kaadu, Qibaadâ-Qari taahir maliinoh yamaate mara waasu waa maray Qibaadâ-Qarik culmal dacayrih gacu waahiyya doore.

1 Aydaad 29:29

Kay aydaadak qimbooy ellecabo Samuwel kee Naatan kee Gaad deqsita sidooca nabih aydaadi elle yan kitoobal geytinta.