1 Aydaad 9:2 - NABUWWA KEE MALIKWA

² Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

1 Aydaad 9:2 Referans Kwoze

Nacmiya 7:73

Seeka kee Leewih yooboke maraay, Yallih Qibaadah-Qarit dacayrih yen maraay, Yallih Qibaadah-Qarih addal saare abak yen mara kee, gersi maray Yallih Qibaadah-Qarih taamat yenehiyya kee raqqa iyye mari yakkeemiik isinni magaaloolil nookeeniih, dabaaqah elle gacen. Malcinhaytoh alsat Israayil marak uduurra ye mari yakkeemiik mariiy isi magaalal keenik nookeh yen.

Qedra 8:20

Toh lih kaadu, namma bool kee labaatanni numuy Yallih Qibaadah-Qarit taamitak yenehiyya ruuben. Ta marak kaxxa abbobti, dumah yan saaku Leewih yooboke marah taamitaana'gidih doorimteh ten. Too taamah ken doortem, Malik Dawud kee kay gubal doolat taamat yen kaxxa-kaxxa mara. Too marih migaq inkih yuktubeenih yenen.

Qedra 2:70

Seeka kee Leewih yooboke mara kee, tonnah kaadu, gersi marak tu takkem dabqih Yarusalaam dariifa kee Yarusalaam addal gacen. Gad kee saare aba mara kee, Yallih Qibaadah-Qarit dacayrih yen mara kee, tonnah kaadu, Yallih Qibaadah-Qarit taamah yen mari dabqih Yarusalaam dariifal ten magaaloolil gacen. Tohuk raqqa 'ye mari duma ken kaxxa abbobti dabqih elle sugte magaaloolil gacen.

Qedra 2:58

Yallih Qibaadah-Qarit taamah yen mara kee Suleeman-taamat yen marak rade marak tuduurem, tittat sidiica bool kee sagla taban kee namma numuk ten.

Qedra 2:43

Yallih Qibaadah-Qarih taamat duma suge marak rade marak yuduure marih gulubuk migaq ah kaana: Xiica kee Casuufa kee Tabaaqot kee Keeros kee Siqaha kee Fadon kee Labaana kee Cagaaba kee Qakkub kee Haagab kee Samlay kee Canaan kee Giddal kee Gacar kee Rayya kee Raaxin kee Nakooda kee Gaddam kee Qudda kee Faseeyac kee Besay kee Qasna kee Maquunim kee Nafiisim kee Bakbuk kee Cakuufa kee Carcur kee Baxlut kee Maciida kee Carsa kee Barkus kee Sisra kee Temac kee Naxiya kee Catiifa deqsita gulubuk ten.

Nacmiya 7:60

Yallih Qibaadah-Qarih addal diini taamat yen mara , Suleeman buxah addal Suleemanah taamitak yen marih nasabak yuduure mari tittat sidiica bool kee sagla taban kee namma num yekken.

Qedra 2:1

Duma seewah been marak rade marak, Yarusalaam kee Yuudâ rasu fan yuduure marih migooqa ah teeti. Ta mari akak rade mara yakkeemiik inkih, Nabkadnessar deqsita malik Baabelon baaxo fan seewah beeh suge. Too saakuk xabba haanam too baaxol baaxo caboytiitih sugen. Isinni baaxo gufen waqdi, kulli numuuy isi magaala fan keenik gace.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.