1 Aydaad 9:1 - NABUWWA KEE MALIKWA

¹ Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

1 Aydaad 9:1 Referans Kwoze

Nacmiya 7:5

Tonna leemiik Yalli yoo elle yuybulle innal, saqoltih yen mara kee baaxoh abbobti kee raqqa 'ye marak yakkeenimiik mododissa ken heeh, nasab keenik elle yan innih kusaaqisiyya abe. Sarrak seewah ken akak beenih sugen baaxok naharak yuduure marih migaq elle yan kitab gee.

Qedra 2:59

Dalaaya kee Toobiya kee Nakooda deqsita sidiica gulubuy Tel-Melac kee Tel-Carsa kee Karuub kee Addan kee Immar deqsitta magaaloolik yuduurehiyya lica bool kee kontom kee namma num akkuk yen. Takkay immay too mari Israayilik rade mara kinnoonumih digga mageytiminna.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

1 Aydaad 8:40

Uulam xaylo inkih qande le qaskaray gaysê-baxi qidimil timixxigehiyyak ten. Ken xaylo kee xayloh-xaylo manguk yeneeniih; bool kee kontom akkuk yenen. Too mari inkih Benyaamak rade mara.

1 Malikwa 14:19

Wohuk kalah taniimiy Malik-Yarobqam abehiyya kee, usuk carbik abeh gideey, sahda elle xiinisak suge'nna, Israayil-Malikwah-Aydaada deqsita kitaabih addal tan.

2 Malikwa 24:14

Yarusalaamal suggu 'ye marak abbobtih suge mara kee, qaskar-abbobti tittat seewah tabna alfih num bee. Gabâ-naggarinna luk yen mara kee, wohuk kalah tan gabâ-taamah ixxiga luk yen mara inkih seewah bee. Raqtem dibuk masaakiinah yan mara.

2 Malikwa 24:15

Yahoyaasin kee kay inaay kay agabuuy kay gubal doolat abbobtih yen mara kee Yuudal abbobtih yen marih agantah inkih seewah Yarusalaamak Baabelon fanah bee.

2 Malikwa 24:16

Tonnal, qaskarak malciina alfih num kee, taama nagay yaaxigeeh naggaarinna le marak alfi num Baabelon fan bee. Oson inkih masu le maray qaskariinot bicak ten.

Qedra 2:1

Duma seewah been marak rade marak, Yarusalaam kee Yuudâ rasu fan yuduure marih migooqa ah teeti. Ta mari akak rade mara yakkeemiik inkih, Nabkadnessar deqsita malik Baabelon baaxo fan seewah beeh suge. Too saakuk xabba haanam too baaxol baaxo caboytiitih sugen. Isinni baaxo gufen waqdi, kulli numuuy isi magaala fan keenik gace.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

Yasaqya 3:2

Ken agiira kee ken qaskaraay ken cokmaaba kee ken nabuwwaay, ken ramli-qida kee doolat abbobtiiy,

Ermiyaas 13:19

Yuudâ-magaalooliy gabbi-qaxat raqtahiyya marot heen. Tokke fanah edde yamaaten gita mageyan. Yuudâ-mara yakkeenimiik seewah beenih› yok iyye» iyye.