1 Aydaad 8:40 - NABUWWA KEE MALIKWA

⁴⁰ Uulam xaylo inkih qande le qaskaray gaysê-baxi qidimil timixxigehiyyak ten. Ken xaylo kee xayloh-xaylo manguk yeneeniih; bool kee kontom akkuk yenen. Too mari inkih Benyaamak rade mara.

1 Aydaad 8:40 Referans Kwoze

2 Aydaad 14:8

Sidooca boolih alfi qaskariitay Yuudah yoobokehiyya luk yeneeh; yakkeenimiik gob kee macaxu tikiyah luk yenen. Benyam kedoh yooboke marak kaadu namma bool kee bacra-tabanih alfih qaskariita luk yeneeh; silaacah gob kee gaysê-baxa luk yenen. Yakkeenimiik nagay tan qaskaray baritto kee agiirinna lehiyyak yenen.

1 Aydaad 12:2

Too mari akah yoobokem, Benyam kedoy Saawul akah yoobokehiyyak ten. Guri gaba kee migdi gabah inkih gaysê-baxa elle qidan gura kee wanxefit xeet elle qidan inna nagay aaxaguk yenen.

1 Aydaad 8:39

Kay toobokoytay Qeshek deqsitahiyyak naharsi-baxi Uulam deqsitak yeneeh; nammeyhaytô-baxi kaak Yaqus deqsitak yeneeh, sidochaytô-baxi Elifalat deqsitak yen.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.