1 Aydaad 6:71 - NABUWWA KEE MALIKWA

⁷¹ Leewih yooboke marak Gerson deqsita gulubuk rade marah, ayrô-mawqat raqte Manasseh baaxok Goolan deqsitta magaalay Basanal geytimtahiyya kee Qastarot deqsitta magaala kee a namma magaalah dariifal tan lacti malaalah baaxo keenih yeceen.

1 Aydaad 6:71 Referans Kwoze

Yoosuwa 21:27

Tonnah kaadu Leewih yooboke marak Gerson deqsita gulubuk rade marah, Manasse deqsitta kedoy Ordonuk ayrô-mawqat raqtahiyyak namma magaala keenih yeceen. Tohumuu, Basan-rasul geytimta Goolan deqsitta magaalay megloh heenihiyya kee Baqestara deqsitta magaala kee lacti malaalah baaxoy woo magaaloolih dariifal tanihiyya inkih keenih yeceen.

Yoosuwa 9:10

Wohuk kalah YALLI, Amoorah yooboke namma amoytay Ordon weeqaytuk ayrô-mawqa le kabut raqta baaxoh amoytittek yenehiyyak abem noobbeh. Tohum Sicon deqsitak yen malikiy Cesbon deqsitak ten magaalal yenehiyya kee Qoog deqsitak yen malikiy Basan deqsitta baaxol, Qastarot deqsitta magaalal yenehiyyak ten.

Yoosuwa 13:31

Tonnah kaadu, Gilqad rasuk garab takke baaxo kee, Qastarot kee Adraqi deqsitta namma magaalay Qoog deqsita malik dabaaqah elle yene kenim abe. Ta baaxoy tikki 'tahiyya inkih Manasse-Makirik rade marak garabah yecee.

1 Aydaad 6:70

Manassek ayrô-culma le kabuk tan baaxok namma magaala keenih yeceen. Tohuu, Qanar kee Bilqam deqsitta namma magaala kee woo namma magaalah dariifal tan lacti malaalah baaxo keenih yeceen.

1 Aydaad 6:72

Issakar kedo le baaxok affara magaala keenih yeceen. Tohumuu, Kedes kee Dabrat kee Raamot kee Qanam kee, a affara magaalah dariifal tan baaxoy lacti qayso lehiyya keenih yeceen.

Yoosuwa 21:6

Gerson deqsita gulubuh, Issakar kee Aaser kee Naftaali kee Ordonuk ayrô-mawqa le kabut yan Basan rasut raqta Manasseh marak, taban kee sidiica magaala takkem keenih yeceen.