1 Aydaad 29:12 - NABUWWA KEE MALIKWA

¹² Gaddaliino kee midir akak temeetem koo; mulki lem koo; kullim inkih isi cayla kee qandet xiinissa. Sahdaytu kaxxa num abtah, celem abtam koo.

1 Aydaad 29:12 Referans Kwoze

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

2 Aydaad 20:6

anay fayya haak dooqa abe. Dooqah iyyeemih, «YALLAW, nanu akak radne ni kaxxa abbobti doore Dageltaw, qaraanal cokmi lem kooy; inkih yan baad xiinissam koo. Qande leeh cayla le Dagelta kinnitooh; kot missowtaah koo aleltam matana.

Yasaqya 40:29

Quuki taqbise seehada maqar 'kak geytam kaa kinni. Boolatteh qande-maleelat qande kee maqar haytam kaa.

2 Aydaad 1:12

Too atu faxxe kas kee ixxiga koh aceeyyooh; toh lih kaadu, faxe malik duma luk suge weeh, sarra geyak raaqe wayu waa mango gaddaliino kee kaxxa midir kee migaq-gexxo koh aceeyyo» kaak iyye.

Yasaqya 43:13

«Tonna kinnuk, Yalli dumaak yooy, sarra yoo. Yi gabat tanim num mabukkusa. Anu abem korsa mari mayan» 'yaanam iyye.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

Yoosuwa 4:24

Tahak gexxaamah baaxô-bagul enna 'ya mari YALLIH qandek leh gide aaxigeloonuuh; isin kaadu YALLAY sin Dagelta kinnihiyyak daayiman meysitak xiinetton» keenik iyye.

1 Aydaad 29:13

Tonna leemiik, ni Dageltaw, candu koh gacisna. Ku migaaqay kulsa le faylisna.

2 Aydaad 32:29

Yalli kaxxam mango gadda kaa yeceeh yeneeh; tohih sabbatah mango magaalooli xiseeh, laa kee illiiy gersi midir xaame.

Daaniyel 2:20

Kas kee qande lem Yalla; fayla kulli way kaah takkay.