1 Aydaad 28:11 - NABUWWA KEE MALIKWA

¹¹ Dawud, Qibaadâ-Qari elle xisu waa gurra Suleemanah yescesse. Qibaadâ-Qari akak culan arac kee, Qibaadâ-Qarih addal duyye elle daanisoonu waan golitte kee, Kulliimik-Taahiriinoh-Yayse-Goliy dambi-cabsuh culaanahiyya elle xisu waa inna kaah yescesseeh, tohuk kalah tan golittey raqqa 'tehiyya elle xisu waa innih gurra kaah yescesse.

1 Aydaad 28:11 Referans Kwoze

1 Aydaad 28:19

Tohuk lakal kaak iyyeemihii, «Taway koh warisak sugga excem inkih, ta qarih xisne kee teetih faxxinta duyye elle bicsan gurraay, taham yoh warissem YALLAAY; usuk yok aba elle iyye'nnal tunkuttubeh tan» kaak iyye.

1 Malikwa 6:3

Qibaadâ-Qari akak culan naharsi goli xexxaarah tabna cusul akkuk ten. Qibaadâ-Qari baguh labaatanni cusul takkeh, tonnah kaadu, a exxa inki gid takke.

Yacedkel 40:15

Culmak afal tan gidaarak xabba haanamaay ellecaboh arac edde raaqa ikkeh amma 'yaanam, labaatanna kee koona mitri tekke.

Ermiyaas 35:2

«Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

2 Aydaad 5:7

Tohuk gaba kalen waqdi seeka, YALLIH Qahdih-Sandug ukkuqqa hayteh, Qibaadâ-Qarik addal Kulliimik-Taahiriinoh-Yayse-Goliy iqiyat raaqahiyyah addal daffeyseeniih, woo galwa leemih ceeloh gubal heen.

1 Malikwa 6:10

Taaxige sidiica qarway tittak amol tanihiyyak kulli qari fayyah koona cusul akkuk yeneeh; Qibaadâ-Qarik iro le kabuk xakbisaana'gidih, sariidâ coox amô-tabsuh heen.

1 Aydaad 28:12

Tohuk kalah kaadu, YALLIH Qibaadah-Qarih daaroota kee, woo daarootah dariifal faxxinta qarwa elle xiseh meqe innih tiyakaa, isit cella haytam inkih kaah yescesse. Qibaadâ-Qarih duyye edde haan golitte kee ummatta Yallih sadgatah bahta duyye elle haan golitte elle xisan innak isit celtam kaadu kaah warse.