1 Aydaad 26:30 - NABUWWA KEE MALIKWA

³⁰ Cebron deqsita numuk rade marak, Casabaya kee kaah ramad le marak alfi kee malcina boolih numuy nagay tan ixxiga kee cubbi lehiyyah kaadu edde gacoonu waan taama yeexegen. Toh macâ-taamaay inteenik, Ordon weeqaytuk ayrô-culma le kabut raqqa 'ta Israayil ummatah diini wagitta qaadoodi kee, xinto wagga haytaamih qaada keenih abaana'gidi kee, keenih yableenimih tiyat ken heen.

1 Aydaad 26:30 Referans Kwoze

1 Aydaad 23:19

Kohatak sidochaytô-baxi kaadu Cebron deqsitak yeneeh; lab-xaylok fereey luk yen. Migaaqah Yeriyaahu kee Amarya kee Yacadiyel kee Yekamqam deqsitak yenen.

1 Aydaad 23:12

Kohat lab-xayloh fereey xale. Migaaqah Qamram kee Yixhar kee Cebron kee Quddiyeel deqsitak yenen.

2 Aydaad 19:11

Kaxxa seekih yan sek Amarya diini qaada wagga haytaamak abbah siinik yan. Yuudâ-kedoh abbah yan Ismaaqíl-Dabadya ayyunta wagga hayta qaadak tu edde taadee saqalah siinik yan. Leewih mari yekke cokmi abinal asem kee ase weem wagita marah yanin. Tonna'mmay tahaysa niya siinik salace ikkal ta taama digga luk abtaanama; YALLI cakkih taamita mara lih siinik yanay» keenik iyye.