1 Aydaad 26:26 - NABUWWA KEE MALIKWA

²⁶ Seloomitiy Elqeedar samadah yenehiyya kee kay gulubut raqqa 'ye mari, Yallih sadgatah Qibaadâ-Qari baahan duyyeh abbootan luk yenen. Too duyye teceem, Malik Dawud kee kedoh abbobti kee gulub-gulubuk abbobtih yan mara kee qaskar abbobtih yan mara.

1 Aydaad 26:26 Referans Kwoze

2 Samuwel 8:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa innah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiqit elle assa innah abe.

1 Aydaad 22:14

Qibaadâ-Qarih xisneh tiyakaa, innih akah taqabba exceh; a qaril haytu wayta dahabak sidiica malyoonih kiilok fula yakke dahab kee, soddom malyoonih kiilok fula takke lakqo gaabossa heeh cabeh an. Tohuk kalah kaadu, loowo sinni nacaas kee biriita a qarih xisneh gaaboyseh an. Tonnah kaadu xisnê-coox kee xeetik mangom gaaboyseh ani'mmay ahak raqtam atu isih edde osissaama.

1 Aydaad 18:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa'nnah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiiqit elle assa innah abe.

1 Aydaad 26:25

Gersom, Elqeederak toobokoytak ten. Seloomit keenik rade marak ten. Elqeedar Recabya xale. Recabya Yasaqya xale. Yasaqya kaadu Yooram xale. Yooram kaadu Dikri xale. Dikri kaadu Seloomit xale.

1 Aydaad 26:27

Woo mari qeebik dannabah orbisen duyyek garab beyya heeniih, YALLIH Qibaadah-Qarih addal woo qari edde bicsaana'gidih heen.

1 Aydaad 9:14

Keenik kalah yan Leewih yooboke maray Yarusalaamal gacehiyyak migooqa ah teeti: Maraari-gulubuk Cassúb-Samaqya deqsite numuk ten. Kay kaxxa-abba Qadrikam deqsitak yeneeh; Qadrikam Casabyâ-baxak ten.

1 Aydaad 28:21

Qibaadâ-Qari xissu wayta saaku, seeka kee Leewih yooboke mari kaadu addal akak aboonu waan taamah bical yanin. Gabâ naggaarinna elle haah taamah ixxiga elli haa mari a taamal cataanamih fayxih qambaxxaagitak yanin. Wohuk raqqa 'te ummat kee ken abbobti a taamal atu ken akah amrisinnaanim abelon» 'yaanam kaak iyye.

2 Aydaad 23:8

Leewi kee Yuudâ mari, sek-Yoyadaqah yab yukkuqeenih keenik akah iyye innah abe. Sabti ayrol labhak sabti ayro taamah gexa mara kee gexe waa mara inkih kaal baahen. Taama gaba kale mara isi buxaaxi fan gexe kalen.

2 Aydaad 31:2

Ciskiyyaahu, seeka kee Leewî mara mango ikkel kurra heeh, kulli marahaay aboonu waan rikek tan taama keenil yecee. Tohumuu, cararisan sadgat xayyoosaanam kee, laa kee illi mattacoy amaanah xiinaanamih astah qidaanahiyya xayyoosaanamaay, YALLIH Qibaadah-Qarih addal aban qibaadat yangaleenimiiy, woo Qibaadah-Qarik mango culmal Yallah fayla kee candu gacsaanam taamah keenih yecee.

Nacmiya 12:45

Ken akah yossokooteenim, seeka kee Leewih yooboke mari Yallah qibaadah kullim taahirik hayyaay, qibaadah faxximta taama Yalli elle iyye'nnal abak yeneenimih taaga. Yallih Qibaadah-Qarih addal saare aba mara kee Yallih Qibaadah-Qarit dacayrih yan mari, Malik Dawud kee kay baxa Suleeman teyyeeqe madqa kataatak yenen.