1 Aydaad 23:24 - NABUWWA KEE MALIKWA

²⁴ Leewî-kedok yen mari ta marak yeneeh; kulli numuk keenik buxâ-mari yakkeh gide kee edde raaqan gulub yunkuttubeh keenik yen. Ta marak radda 'ye numuy qumrik labaatannaak daga lehiyya YALLIH Qibaadah-Qaril isi taama luk yen.

1 Aydaad 23:24 Referans Kwoze

1 Aydaad 23:3

Sarrakaa, Leewih yooboke marak labhak qumri akak soddom kee wohuk fula mara lowsiise. Too marak loowo soddom kee bacra alfi tekke.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

1 Aydaad 23:27

Dawud ken elle farrimma hee'nnal, tohuk wadir Leewih mari qumrik labaatanna guffa haa saaku, Yallih Qibaadah-Qarih-taamat akah gacan innah, migaq isinnik aktubuk yenen.

1 Aydaad 23:23

Maraari xaylok nammayhaytô-baxay migaaqah Muusi deqsitak yenehiyya lab-xayloh sidoc xale. Too urri migaaqah Macli kee Qeeder kee Yerimot deqsitak yenen.

2 Aydaad 31:17

Seeka isi taama gulub-gulubul baxsimma 'teh abak sugteeh; Leewih yooboke marah tu gactekiiy, qumrik labaatanna gufeenik sarra, butta-buttah gacca 'yeenih abak sugen. Too marah inkih ken afto yecee.

Nacmiya 7:1

Gasô-xisne gaba kalteeh, gasoh afoofit haan coox kaadu le aracat akak hayne. Sarrak culmah afat dacayrih gacu waa mara kee, Yallih saare abu waa mara kee, gersi Leewih yooboke marah inkih, aboonu waan taama warisne.