1 Aydaad 22:9 - NABUWWA KEE MALIKWA

⁹ Takkay immay toh iyyeemih qahdi yoh culeeh yok iyyeemih, ‹Lab-baxay baaxo amaanah xiinisu waahiyya xalettooh; too amaan anu innih kaah aceeyyo. Naqaboytiitik amaanah kaa xiiniseyyo. Migaq kaak Suleeman deqsitele. Kay dabaanal Israayil ummat carbi matablaay amaanah xiinele.

1 Aydaad 22:9 Referans Kwoze

1 Malikwa 4:25

Usuk suggu 'yem fan, Israayil kee Yuudah yooboke mari amaanah xiinak suge. Kay dabaanal Israayil kee Yuudâ rasul suggu 'ye mari amaanah yeneeh; numtin amol qinab-xalta-caxa kee *sublayto luk yenen.

1 Malikwa 5:4

Awayah tu gactek, YALLAY yi Dagelta kinni deraafil yan mara lih amaanah yoo xiinisa. Naqboytit mayyuuy, akak gadaamitam kaadu mayyu.

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

Caggay 2:9

Away xissoonu waytan Qibaadah-Qari, duma suge Qibaadah-Qarik qaxah iysissa heeyyooh; inni ummatah gaddaliinoo kee amaana tokkel aceeyyo. Toh siinik intam yooy YALLAY Nabaamak Nabahiyya› 'yaanam keenik inxic» kaak iyye.

Yasaqya 66:12

Macaay inteenik, YALLI iyyaamah, «Ambaxe sinni amaanah Siyoonut xiiniseyyooh; doolatwa elli hayta gaddaliino, kafe sinni weeqaytih innah, teetil caxitele. Isin, ina gurumbal qarissa baxay kacni intit tablehiyyah bis alletton.

Yasaqya 45:7

Dite kee ifu bicissem yoo. Barkat sinaamat haytaah, bala sinaamal rubtam yoo. Ah abtam yoo YALLA.

Yasaqya 26:12

«YALLAW, wagari neh taceem koo. Nanu abneeh nugdube taamoomi, 'kak geynem koo; nee xiqsissem koo.

1 Aydaad 17:11

Atu rabtaah isi kaxxa abbobti lih tamoogoqu wayta saaku, ku xaylok numuk teena malik abeyyooh, kay reeda qande bahsiiseyyo.

Makaabon 6:24

Tokkel Gidqoon YALLIH migaaqal sadgat elle aban arac bicse. Too aracak migaaqah ‹Wagri YALLAT yan› 'yaanam iyye. Woo aracay sadgat elle abehiyya a saaku fan Qofra deqsita aracal yan. Qofra, Abiqeder gulub guubuh le aracak ten.

1 Malikwa 1:13

Ta waqdiik Malik Dawud fan gexxa xicay, ‹Yi malikow, yi lakal malik takku waytam ku baxa Suleeman, 'yaanamih qahdi yoh culte way, Qadoona malik elle yekkem manna?› kaak inxic.

1 Malikwa 2:15

«Akah taaxige innah, yi abbah arac ciggiltaah malik takkem yook teneeh; inkih tan Israayil ummat malikih loowitak sugtem yook ten. Tohim makkinnaay, yi toobokoyti malik yekke. Tohim kaadu YALLAK yemeete amrih tekkeemi.

1 Malikwa 3:7

YALLAW, yi Dageltaw, yooy ku-naqasuh-yanihiyya yi abbah aracal hayte. Tonna'mmay anu ahayduma qunxa num kinniyoh, sahda elle xiinisa inna matteexega.

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

1 Aydaad 22:18

Too makaabonuk iyyeemih, «YALLAY sin Dagelta kinni aham fanah sin lih yaniih, kulli kabuk inkih amaanah sin yabbixe. A baaxol suggu 'ye marak yoo yiysiiseeh; too mari ta saaku YALLA kee sin gubat yan.

2 Aydaad 6:15

Yi abba Dawuduy ku naqasuh yeneh culte xagana duudusseh. Duma edde yabba intem inkih tiya tiyah duudusseh.

1 Malikwa 8:56

Sarrak kaadu qagseh, «YALLI isi naqasuh yan Muusal oobise meqe qahdi inkih duuduseh. YALLAY, akah inxicca 'ye innah, isi ummattah wagari kee amaan yeceehiyya fayla taafay.