1 Aydaad 22:1 - NABUWWA KEE MALIKWA

¹ Tohuk gexxaamah Dawud iyyemii, «Dageltah yan YALLIH Qibaadah-Qari elle xissiimu waam akke. Israayil ummat cado akak carrisan saq sadgatah elle yasgaadoonu waanam ta araca» 'yaanam iyye.

1 Aydaad 22:1 Referans Kwoze

2 Aydaad 3:1

Suleemanak abba Malik Dawud, Yallih Qibaadah-Qari elle xisoonu waan arac dumal elle bicseh suge. Too arac, Yarusalaam magaalal tan Mooriya deqsitta qalek ten. Too arac, tohuk dumal Ornan deqsita numuy Yabuusa deqsitta kedoh aabakuk yenehiyya, daro kee caffa tittak elle baxisak yen araca. Suleeman qari-xisne qimbise.

2 Malikwa 18:22

Qagseh kaadu keenik iyyemii, « ‹Amo elle meqinom, YALLAY ni Dageltah yani› yok inteenik, Ciskiyyaahu, Yuuda kee Yarusalaam marak, ‹Yalla dibuk Yarusalaamal yan sadgat aracal uqbuda› inxicca 'yeh, wadirih fayya-le-aroocal heen qibaadah-qarwa kee sadgat-arooca akak yiggilem YALLA kinnim hinnaa?

2 Samuwel 24:18

Too ayrot Gaad Dawud fan yemeeteeh, iyyeemih, «Ugutay Ornan le aracay daro caffak elle baxsaanahiyyal, YALLAH sadgat elle abtu wayta arac bicis» kaak iyye.

2 Aydaad 32:12

Yallih sadgat elle aban arooca kee diyaarah arooca bayisseeh; sarrak Yuuda kee Yarusalaam marak, ‹Qibaada kee qerto qeerisiyya dibuk inki aracal aba› intem kaa» keenik iyyen.