1 Aydaad 21:7 - NABUWWA KEE MALIKWA

⁷ Yalli a loowo tekkem mafaxinna. Tonna-leemiik Israayil mara akah digaale.

1 Aydaad 21:7 Referans Kwoze

1 Aydaad 21:14

Tohuk wadir YALLI Israayil rasul dalka ruubeeh; too dalkat Israayil ummatak malcina-tabanih alfi rabe.

1 Malikwa 15:5

YALLI ah akah abemii, Dawud kaa ruffa haytam abak sugeeh; YALLI aba iyyeemik, Ciitah-yooboke-Uriyya-deqsita-numul-baaheemiik kalihimik, YALLI inxicca 'yem inkih abak suge.

2 Samuwel 24:1

YALLI qagisak Israayil ummatta yinqibeeh, Dawud gabat ken biyaakam faxe. Kaak iyyeemih, «Gexay Israayil kee Yuudah ummattak loowo abaay yakkeenih gide wagit» iyye.

2 Samuwel 21:14

Sarrak Dawud mari, Saawul kee kay baxih lafa beyya heenih, Malik Dawud keenik aba elle inxicca 'ye innal, Saawul abbay Kees deqsitak yene edde yoogoqen *kabrit yoogoqen. Too kabri Xelaq deqsita rasuy Benyam kedo guubuh elle tenehiyyal geytima. Tohuk gaba kaleenik wadirii, oson isinni baaxoh aban dooqa Yalli keenik oggolak raaqe.

2 Samuwel 21:1

Dawud malikih suge dabaanal qulul radeeh, woo qulul sidooca sanat suge. Too qululih sabbatah Malik Dawud YALLAL fayu essere. YALLI kaak iyyeemih, «Saawul kee kay buxah marat biili yan. Sahday qideeni biili uxih keenit yan. Qideenim Gibqon mara. Rob siinih akah rade waam tohu» kaak iyye.

2 Samuwel 11:27

Rookak gaba kalte waqdi, Dawud, «Yi qari am» 'yaanamih farmo teetih ruube. Sarrak digibih tet abiteeh, lab-baxa kaah xalte. Takkay immay YALLI Dawud abem yinqibeh.

Yoosuwa 7:13

Ugut. Away ummatta taahirroysaay yi foocah yamaateeni'gidih bical ken hay. ‹YALLAY sin doore Dagelta kinnihiyya, «Israayil ummatey, anu ‹Mabena› siinik exce duyye teddereenih immay, tamaham bayse'kal naqboytiitit makoysittan» siinik iyyah yanik, beera bical gaca› keenik inxic.

Yoosuwa 7:5

Qaay mari magaalah afak keenit aben ardat boodooda elle tan arac fan ken baaheeniih; qaleek ayradduk ken elle oobisen ikkel, soddom kee lica num keenik qiden. Sarrak Israayil marak niya raddeeh, meysi ken tibbixe.

Yoosuwa 7:1

YALLI Israayil marak, «Yerikô-magaalak baysi akak faxxiima duyye bayisaay; yoh rikeek baxsah heeh meqe duyye baxsah haa» 'yaanam iyyeh suge'mmay, woo amri moggoliminna. Qaakan deqsita num woo amri cineh sugeeh; tohuk gexxaamah YALLIH bagcarra Israayil mara gufte. Qaakan Karmi deqsita numih baxak teneeh, Dabdi deqsita numuk kaadu baxi baxak ten. Dara deqsita gulubuh aabakuk yen. Dara Yuuda deqsitta kedoh aabakuk yen.

2 Samuwel 15:26

Usuk yoo faxe week, isih faxem yok abbaasitu waa kaak; Qahdih-Sandug gacis» kaak iyye.

1 Aydaad 21:6

Yowab a loowo faxe cineh sugeeh; tonna-leemiik abeh yen loowot Leewi kee Benyam mara edde masgallinna.

1 Aydaad 21:8

Sarrak Dawud abeemit isik radeeh; tonna-leemiik, «Yi Dageltaw, kaxxa dambi lem baaheh aniih, duqur edde ase waamat aseh anik, qafu yoh ab» iyye.

2 Samuwel 24:10

Dawud ta marih loowok gaba kale waqdi, umam abem kay xagar kaah warse. Too waqdi, «YALLAW, kaxxa dambi lem baaheh aniih, duqur abe waamat aseh anik, qafu yoh ab» iyye.