1 Aydaad 21:16 - NABUWWA KEE MALIKWA

¹⁶ Dawud YALLIH malaykattuy qaran kee baaxok fanat gabat seef luk soolahiyya yuble. Malaykatti too waqdi Yarusalaam magaala baysam faxak yen. Dawud a malaykattu yuble waqdi, kaa kee Israayil makaabon xagaral *qabuudut gacca 'yeenih baaxok bagul qansa baaxo keenik xagtam fanah gommoh raden.

1 Aydaad 21:16 Referans Kwoze

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

2 Malikwa 19:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

2 Malikwa 6:17

Too waqdi YALLA kallaceeh, «YALLAW, aham yable'gidih kay inti fak» iyye. Too waqdi YALLI kay kallaci oggoleeh; Eliisaq-kaadinti dagaak wagga hee waqdi, koomâ-deraafil faaris kee gaariiray girak bicseeniy Eliisaq marot tabbixehiyya yuble.

Makaabon 13:20

woo malaykattu YALLAH qiden sadgat elle cararisan aracak habug inta girah addat qaran fan awaqih yublen. Too waqdi kaa kee kay barra baaxol afah radde.

Yacedkel 9:8

Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Yacedkel 30:25

Kaa boolaaseyyooh, Baabelon malik qande bahsiiseyyo. Inni seef kaah aceeyyooh; usuk yi seef Masri fana yascassu waa saaku, sinam inkih YALLA kinniyom yok aaxigele.