1 Aydaad 20:5 - NABUWWA KEE MALIKWA

⁵ Tohuk kalah kaadu Filistiin mara kee ken fanal kaxxa carbi rade. Too qeebil Israayilih yooboke Yaaqír-Elcanan deqsita numu, Gat magaalal yooboke Golyaadak toobokoytah yen numuy Lacmi deqsita qide. Too numih macaxi kaxxa masu luk yen.

1 Aydaad 20:5 Referans Kwoze

2 Samuwel 21:19

Tonnah kaadu, ken kee Filistiin marih fanal Goob deqsita aracal gersi qeebi radeeh, Yaaqír-Elcanan deqsita numuy Beetlacam magaalal yoobokehiyya Golyaad deqsita numuy Gat-magaalal yoobokehiyya qide. Too numih macaxi kaxxa masu luk yen.

1 Samuwel 22:10

Sek-Acimalek kaah fayu YALLAL essereeh sarrak maaqo kee Golyaad-seef kaah acayih inni intih uble» iyye.

1 Samuwel 21:9

Acimalek kaak iyyeemih, «Silaacak Golyaaday duma atu Eelâ-golol qiddehiyyak raaqe seef yo'lih yan. Too silac rikeek tan saroy sek haysitahiyyak darrek sarat cibuh yanik, faxxek beetit. Kaak sah akkel silac mabbixak» kaak iyye. Dawud iyyeemih, «Wohoysa woo silac annah yoh bah; kaak yayse silac rikel mayanak» iyye.

1 Samuwel 17:7

Kalah kaadu, lafudda le caxxi macaxu luk yen. A macaxuk af malcina kiilo yakke birtak bicseenih yenen. Aki qaskariiti foocat kay gob gabat hayya heeh kaak gexak yen.

1 Samuwel 17:4

Filistiin qaskarak addak Golyaad deqsita celem bukka 'yeeh, Israayil qaskarih addak qeebi kaa'lih aba num yanim keh essere. A num Gat deqsitta magaalal yoobokeh yeneeh, xexxaarah lica cusul kee garab akkuk yeneeh, isik edde waasan nacaasak bicsen kameesiy qilsah kontom kee malcina kiilo yakkehiyya kee, amo edde dacrisan nacaasak bicsen kalabtat sartanah yen.

1 Aydaad 11:23

Tohuk kalah kaadu, kaxxam masu naba Masri-num qide. Too num xexxaarah namma mitrik amo gexak yeneeh, silaacah kaxxa masu le macaxu luk yen. Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

1 Aydaad 20:6

Gat-magaalal kaadu gersi qeebi radeeh; too qeebit kaxxam masu le num suge. Gabak kulli gabat laca feera luk yeneeh, namma ibak kulli ibat laca feera luk yen. Usuk akak radem, dumî-daban suge maray kaxxam xagar masu luk yenehiyyah samadak ten.