1 Aydaad 18:12 - NABUWWA KEE MALIKWA

¹² Xaruya deqsitta barrah baxay migaaqah Abiisay deqsitak yenehiyya, ‹Qasbô-Golo› deqsita aracal Edom marat qeebi abeeh, too qeebil taban kee bacra alfih num keenik sele.

1 Aydaad 18:12 Referans Kwoze

2 Aydaad 25:11

Sarrak Amaxya niya gacissa heeh, isi qaskarak foocat gacca 'yeh Qasbo le Golo deqsita arac fan ken been. Tokkel qeebi abeeniih, too saaku Edom qaskarak tabna alfih num qiden.

1 Aydaad 19:11

Raqqa 'te qaskarak Abiisay deqsita kay toobokoyta abbah akak hayya heeh, Qammon-qaskarat foocah raaqa arac ken yibbixsiise.

1 Aydaad 11:20

Yowabak toobokoytah yen Abiisay «Yaaxigen Soddom» deqsita soddomuk abbah yen. Ayrok teena inki macaxu luk sidooca bool yakke marat qeebi abeeh too marak inkih yeyseh ken qideh.

1 Aydaad 2:16

Maqanxix keenik, Xaruya kee Abiigala. Xaruya lab-xaylok sidoc xalteeh; Abiisay kee Yowabaay, Qasahel deqsiten.

2 Samuwel 10:10

Raqqa 'te qaskarak Abiisay deqsita kay toobokoyta abbah akak hayya heeh, Qammon-qaskarat foocah raaqa arac ken yiysibixe.

1 Samuwel 26:6

Too waqdi Dawud Acimalek deqsita numuy Ciitâ-marah yooboke kee Abiisay deqsita numuy ina Yowab deqsita num lih luk yenehiyyak, «Sin nammayak Saawul xiinit elle yan arac yo'lih gexxu waytam iyya?» iyye. Abiisay too waqdi, «Anu gexeyyo» iyye. Abiisay Yowab toobokoytah yen. Ina keenik Dawud annak ten. Tet migaq Xaruyak ten.

2 Malikwa 14:7

Amaxya Edomuh yooboke marak tabna alfi qaskariita Qasbo-le-Golo deqsitta golol qide. Silaq deqsitta magaala qeebit yibbixeeh; Yoktaqel 'yaanam migaaqah teetik iyye. Ta saaku fan too migaaqal tet yaaxigen.

2 Samuwel 23:18

Yowabak toobokoytah yen Abiisay «Yaaxigen-Soddom» deqsita soddomuk abbah yen. Yowab kee Abiisay-ina Xaruya deqsitta barrak ten. Ayrok teena Abiisay inki macaxu luk sidooca bool yakke marat qeebi abeeh; too marak inkih yeyseh ken qideh.

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

2 Samuwel 20:6

Too waqdi Dawud Abiisayak iyyemii, «Away Absalaam nel baaheh sugeemik, Sabaq nel baahu waam lafitta. Awayiik yi qaskar gabat hayya haay lakat kaak gex. Toh abe waynek, gaso maroh edde tan magaaloolit culla 'yeh ambooqorele» iyye.

2 Samuwel 10:14

Suuriyah mara kudah yublen waqdi, Qammon mari kaadu Abiisayak yoowweeh, magaalah adda culen. Toh yuble waqdi Yowab Qammon marih qeebik raaqeh, Yarusalaam fan yuduure.

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Samuwel 3:30

Yowab kee kay toobokoyta Abiisay, Abner qiddeeh; akah kaa qideenim, Gibqon rasul yekke carbit toobokoyta keenik qideh sugeemih sabbata.

1 Samuwel 26:8

Abiisay too waqdi Dawuduk iyyemii, «Ta bar Yalli ku naqboyta gabah addat kok qideh yanik, inki adda a abbixe macaxut kaa mudeh baaxot kaa xakbisay yoo m'intaa? Inki addah mudumut edde kaa qideyyok» iyye.

1 Malikwa 11:15

Ah takkeemik naharal Dawud Edom marak qeebil yeyse saaku, kay qaskarak-abbah-yen-Yowab rabe-mara yaaguqe'gidih, wokke gexeh yen. Too saaku kaa kee kay mara Edom rasul laca alsa sugeeniih; sugga 'yaanam fan Edom rasul labhak sugga 'tem selli heen.

1 Aydaad 18:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa'nnah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiiqit elle assa innah abe.

1 Aydaad 18:13

Sarrak inkih yan Edom rasul qaskar heeh, tohuk wadir tokkel suggu 'ye mara Dawud gubat hee. Dawud elle gexinnaan ikkel abinnaan qeebil YALLI nasri kaah acayuk yen.