1 Aydaad 17:21 - NABUWWA KEE MALIKWA

²¹ Israayil ummattay isi mara abta'gidih naqoosinnak teyyeeqehiyyah bis le doolat addunyâ-bagul matan. Atu keenih abte kaxxa taama ku migaq addunyâ-bagul fayya hayte. Ku maray duma Masril edde suge naqoosinnak teyyeeqehiyya qeebil bisoh gutuqak elle yamaateenimil, ken taagah kalih mara baaxok teyyeeqe.

1 Aydaad 17:21 Referans Kwoze

Yasaqya 64:3

Nanu cubak suge wayne taamay sahda akak cunxitta abte saaku lito. Too saaku nel obteeh; qaleeli koo yubleh, cunxoh axaxite.

Yasaqya 63:12

YALLI dumah isi gabay nabna kee qande let Muusâ-gabat mangom absiiseh, ken foocal baye sinni migaq akah geya'nnah, bad namma ikkel kure'mmay, a saaku usuk mankel yan?

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Yasaqya 48:9

«Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Nacmiya 9:10

Masri malikil ablewayni astooti kee qagabak tanim bahte. Kay gubal yan mara kee kay baaxoh maral yakkeenimik qagabah tan able waynuh tanim bahte. Toh keenik akah abtem, kaxxiinah filla qaraanal heeniih ku ummattal umam baahak sugeenimih sabbata. Tohuk wadir too saaku kok yontoobbe migaq uxih ta saaku fan yantaabbeh.

Yoosuwa 10:42

Yoosuwa a gid takke baaxo kee teetil yan mara kee malikwak edde yeysem, inki adda abe gaaduk ten. Wohim akah tekkem, YALLAY Israayil doore Dagelta kinnihiyya ken lih yeneeh; taham akah tekkem tohu.

1 Aydaad 17:20

YALLAW, ku bis lem matan. Yalli dibuk koo kinnim dumaak aaxaguk sugne; kok sah Yalli mayana.

1 Aydaad 17:22

YALLAW, Israayil mara isi maray way ayxeere waytahiyya abte; isih Dagelta keenih tekke.

Ermiyaas 32:21

Israayilih yooboke ku mara Masri rasuk teyyeeqe saaku, nek naqbotiitih yen mari akak wariggiteh raaqe ablewaynu abte. Too ablewaynu edde abtem, isi qande kee cayla.