1 Aydaad 16:41 - NABUWWA KEE MALIKWA

⁴¹ Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

1 Aydaad 16:41 Referans Kwoze

2 Aydaad 5:13

Yakkeenimiik inki adda akkaquk YALLA saarisan waqdi, *baanta kee giyaagib kee, wohuk kalah tan duyyey saareh yaagureenihiyya luk aagaruk aben. YALLIH saareh iyyeenim, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk Yalla faylisen. Too waqdi, garciik qamburre YALLIH Qibaadah-Qarik adda inkih bulteh.

Qedra 3:11

YALLA faylisaah candu kaah gacisa mara kee, yakkuqe mara yekken. Faylah iyyeenimih, YALLI maqaane le Goyta; kay kacani mayambaxa. YALLI Israayilih le kacni daayiman yan; mayambaxa» iyyen. Too saaku YALLIH Qibaadah-Qarih-xisneh-rakiibo heenih yeneeniih; tohih sabbatah YALLA faylisen. Ken ankacisak yen mari kaadu anay fayya haak qililise.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

2 Aydaad 7:3

Israayil ummatay wokkel sugtehiyya qaraanak gira oobah tubleeh, YALLIH nabna yaybulle noori qari duudusem yublen waqdi, baaxok bagul Yallih qibaadah gommoh radeeniih, sarrak kaa fayliseeniih, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk kaa saarisen.

1 Aydaad 16:34

YALLI maqaane lek, candu kaah gacisa! YALLIH-kacni mayambaxak, tohul candu kaah gacisa.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.

Qedra 8:20

Toh lih kaadu, namma bool kee labaatanni numuy Yallih Qibaadah-Qarit taamitak yenehiyya ruuben. Ta marak kaxxa abbobti, dumah yan saaku Leewih yooboke marah taamitaana'gidih doorimteh ten. Too taamah ken doortem, Malik Dawud kee kay gubal doolat taamat yen kaxxa-kaxxa mara. Too marih migaq inkih yuktubeenih yenen.

1 Aydaad 16:37

Dawud, Asaf kee kay wadayah yen Leewih yooboke mara YALLIH Qahdih-Sandug elle tani'kkel aban dooqak abbobtih ken hee. Oson too aracal kulli saaku Yallih taama abaanam taamah luk yenen.

1 Aydaad 12:31

Ayrô-culma le kabut raqta Manassê-kedoh yooboke marak taban kee bacra alfih qaskariita kaal temeete. Too mari inkih, Dawud malik abaana'gidih doorimeenih yenen.

Yacedkel 40:44

Sarrak too num adda le kabut raaqa daarat fanah yoo bee. Tokkel adda kabu raaqa daaratat namma goli uble. Too golik tiyak teeni kilbat le kabut raqta culmak garit yeneeh, gabbi-qaxa fanah afkunuk yen. Tiyak teeni kaadu gabbi-qaxat raqta culmak garit yeneeh, kilbat le kabu fanah afkunuk yen.

1 Aydaad 15:17

Saare abak yen marak nacaasak bicsen giyaagib yaagureeni'gidih dooreenim: Ayyuqél-Heeman deqsita num kee, kaah ramad luk Barkiyyah-Asaf deqsita num kee, Kusayaahúh-Etan deqsita numuk ten. Etan, Maraari deqsita gulubuh yooboke. Too marih catohuu, Leewih marak kurrubaaheh anay le xongolot kirar nagay yaagure mara dooren. Tohumuu, Zakariyya kee Yaqdiyel kee Samiraamot kee Yaciyel kee Qunni kee Aliyab kee Maqseyaahu kee Banaaya deqsita num dooren. Begenah inin xongoloh anayat yaagure maray kaadu Leewih yoobokehiyya dooren. Tohumuu, Mattitya kee Alifleehu kee Mikneya kee Qadadyaahu kee, Qibaadâ-Qarit dacayrih ten Yoobad-Edom kee Yaqiiyal deqsitta labhak ten.