1 Aydaad 16:4 - NABUWWA KEE MALIKWA

⁴ Leewih yooboke marak garabak Dawud iyyeemih, «Qahdi-Sandugih foocal, ummat YALLAY Israayil doore Dagelta kinnihiyya taqbude waqdi, isin dooqa abak, YALLA saarisakaay kaa faylisak foocat gacaay; tahak wadir sin taama tohu» keenik iyye.

1 Aydaad 16:4 Referans Kwoze

1 Aydaad 24:3

Dawud, Haaruunuk radde seeka butta-buttah hayya heeh aboonu waan taama keenih warse. Ta marah aboonu waan taama yaaxigeenim kee, woo taama ken gabal haanamih tiyal, Haaruunuk baxah yen Alqedarak rade Saaduk deqsita sek kee, Haaruunuk baxah yen Itaamarak rade Acimalek deqsita sek kaa elle cate.

1 Aydaad 16:8

Saareh iyyeenimii, YALLAH candu gacisay kaak cato esserak kaa fan deerisa. Kay nabna sinaamah warisa; usuk abem sahdah warisa.

1 Aydaad 15:16

Dawud kaadu Leewih abbobtih amri yeceeh iyyeemih, «Leewih yooboke marak Yallih saare abu waa mara ixiga. Tonnah kaadu, *begena kee *kiraraay giyaagib tassa axcuk yaaguru waa mara ixiga» 'yaanamih amri yecee.

1 Malikwa 8:15

Tohuk lakal iyyeemihii, «YALLAY Israayil doore Dagelta kinnihiyya fayla taafay. YALLI isi gabat y'abba abe xagna duuduse» iyye. Kaadu qagseh, iyyemii, «YALLI duma y'abbak,

1 Aydaad 6:31

YALLIH Qahdi addat akak yan Sandug Yarusalaam fan baaheenik lakal, Malik Dawud, Yallih qibaada elle aban ikkel, woo qibaadak foocat gacca 'yeh saare absiisu waa mara doore. Suleeman Yarusalaamal Yallih Qibaadah-Qari xisaamak dumal, too mari Yallih Nabnah-Siraqih foocal takke saare elle aban inna yascasse amri akah iyya'nnal aben. Too marih migooqa ah teeti. Ken xaylo saarel ken catak ten. Kohatak rade marak, Heeman deqsita saare-abe yen. Heeman akak rade marih migooqa ah teeti. Heeman Ayyuqel-baxaay, Ayyuqel Samuwel-baxaay

1 Aydaad 16:3

Sarrak Israayil marak lab-mara kee say marah inkih, gaqamboh ikke kee solal alaysen cadoh ikke kee, kafsen qinab-xaylok tu'baxa takkem keenih keefe.

1 Aydaad 16:5

Tohuk abbah Asaf heeh kay gubal Zakariyya hee. Yaqiiyal kee Samiraamot kee Yaciyel kee Mattitya kee Aliyab kee Banaaya kee Yoobad-Edom kee Yaqiiyal *begena kee kirar yaagureenimih taama keenih yecee. Asaf kaadu giyaagib yaagureenim taamah luk yen.

1 Aydaad 25:1

Malik Dawud kee kedoh abbobti, Yallih qibaada elle aban ikkel, woo qibaadak foocat gacca 'yeh absiisu waa maray Leewih yoobokehiyya dooren. Asaf kee Heeman kee Yedutun deqsita sidooca gulub akah dooreenim, *kiraraay *begena kee giyaagib aagaruk, Yalli iyyem sinaamah warsaanamih qaadak ten. Toh abu waa mari ah kaana.

2 Aydaad 5:13

Yakkeenimiik inki adda akkaquk YALLA saarisan waqdi, *baanta kee giyaagib kee, wohuk kalah tan duyyey saareh yaagureenihiyya luk aagaruk aben. YALLIH saareh iyyeenim, «YALLI maqaane le Goytak, candu kaah gacisa, ummatey! YALLIH kacni mayambaxak, tohul candu kaah gacisa» axcuk Yalla faylisen. Too waqdi, garciik qamburre YALLIH Qibaadah-Qarik adda inkih bulteh.

Qedra 3:10

Xisne aba mari, YALLIH Qibaadah-Qarik rakiibo heen saaku, seeka dallaabiyat gacca teh, *baanta gabat luk, elle sooloonu waan arac yibbixen. Leewi deqsitta kedok Asaf deqsita gulubuh yooboke mari kaadu, giyaagib gabat luk, keenih heen aracal soolen. Too waqdi Dawud dabaanak raqte qaadal akah abak yenen innal, YALLA saarisen.

Nacmiya 12:24

Casaabiya kee Sereebiya kee Yaasuwa kee Binnuy kee Kadmiyal deqsita num Leewih yooboke marak foocat anuk, ken missoyseeniih butta-buttal ken heen. Ta mari namma buttah gacca 'yeh, Malik Dawuduy Yallih numuh yenehiyya elle abak yen innal, Yallih saare aba mara kee yakkuqe marah gacca 'yeenih, Yalla faylisak yenen.