1 Aydaad 16:10 - NABUWWA KEE MALIKWA

¹⁰ Kay migaaqay *kudduusuk yanit ruffu xica; YALLA faxa mari baguuk ruffu iyyay.

1 Aydaad 16:10 Referans Kwoze

Ermiyaas 29:13

Baguuk yoo gorrissoonu waytan waqdi yoo geetton. YALLAW, axcuk gaba deerih yoo fan heetton. Too kallacil siinih amaateyyooh, sin baaxo fanah sin gacseyyo. Fixixih elle enna intan baaxo kee aroocay anu sin elle fixixisehiyyak, sin baaxo fanah sin gacseyyo. Tahat yabtam yoo YALLA› 'yaanam siinik iyya.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

1 Aydaad 16:9

YALLAH fayla aba; usuk abe qajaaqibatat yaaba.

1 Aydaad 16:11

YALLAL cato essera; qande siinit haa'gidih, hangi kaah ucuyay; kabba kaat inxicay.

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

2 Aydaad 15:15

Too ayro gaabowwa 'ye mari, inkim axcuk ta tiyal isinni afqadook titta geenimih sabbatah, kaxxam ruffa iyyen. YALLA yaqbudeenim kaxxa rufto keenil tekkeeh; YALLI oson aban qibaada keenik raabiteh. Tonna-leemiik elle yanin baaxok kulli exxa amaan keenih abe.