1 Aydaad 15:22 - NABUWWA KEE MALIKWA

²² Kananya deqsita num, saare elle aban inna ixxiga kaxxam luk yeneeh; tonna-leemiik a marak inkih abba kaa aben.

1 Aydaad 15:22 Referans Kwoze

1 Aydaad 15:27

Dawud nabam xagar meqe *baftak bicsen sartanat gaceeh; Leewih yooboke maray Sandug akkuquk yenehiyya kaak kaxxih, too bis le sartanat gacen. Tonnah kaadu, saare abak yen mara kee, keenik abbah yen Kananya too xaqan le sartanat gacen. Dawud too sartanak kalah *baftak bicsen saroy rikeek tanihiyya isit heeh yen.

1 Aydaad 15:16

Dawud kaadu Leewih abbobtih amri yeceeh iyyeemih, «Leewih yooboke marak Yallih saare abu waa mara ixiga. Tonnah kaadu, *begena kee *kiraraay giyaagib tassa axcuk yaaguru waa mara ixiga» 'yaanamih amri yecee.

1 Aydaad 15:23

Barkiyya kee Elkaana deqsitta namma num, Yoobad-Edom kee Yaciiya deqsitta namma num lih gacca 'yeenih Qahdi-Sandug dacrisaanamih taama keenih yeceen. Seekah yooboke maray migaaqah Sabanya kee Yosafat kee Netanel kee Qamaasay kee Zakariyya kee Banaaya kee Elqeeder deqsitak yeneenihiyya, Qahdi-Sandugih foocal *baanta yaagureenim taamah luk yenen.