1 Aydaad 15:17 - NABUWWA KEE MALIKWA

^17-21 Saare abak yen marak nacaasak bicsen giyaagib yaagureeni'gidih dooreenim: Ayyuqél-Heeman deqsita num kee, kaah ramad luk Barkiyyah-Asaf deqsita num kee, Kusayaahúh-Etan deqsita numuk ten. Etan, Maraari deqsita gulubuh yooboke. Too marih catohuu, Leewih marak kurrubaaheh anay le xongolot kirar nagay yaagure mara dooren. Tohumuu, Zakariyya kee Yaqdiyel kee Samiraamot kee Yaciyel kee Qunni kee Aliyab kee Maqseyaahu kee Banaaya deqsita num dooren. Begenah inin xongoloh anayat yaagure maray kaadu Leewih yoobokehiyya dooren. Tohumuu, Mattitya kee Alifleehu kee Mikneya kee Qadadyaahu kee, Qibaadâ-Qarit dacayrih ten Yoobad-Edom kee Yaqiiyal deqsitta labhak ten.

1 Aydaad 15:17 Referans Kwoze

1 Aydaad 6:44

Keenih ramad le maray Maraarik radehiyya Heemanak guri kabul soolak ken catak yenen. Keenik foocal yan num Etan deqsitak yen. Etan Keesi-baxaay, Keesi Qabdi-baxaay, Qabdi Malluk-baxaay

1 Aydaad 6:39

Heemanah ramad le numuy Asaf deqsitak migda le kabuk kaak soolak kaa catak yen. Asaf akak rade marih migooqa ah teeti. Asaf Barkiyyâ-baxaay, Barkiyya Simqâ-baxaay

1 Samuwel 8:2

Kay xayloh nammayak naba awki migaaqah Ayyuqel deqsitak yeneeh, qunxa awki Abiyya deqsitak yen. Oson Bersabaq deqsitta magaalal cokmaabah yenen.

1 Aydaad 6:18

Kohat affara lab-baxa luk yen. Ken migaq Qamram kee Yixharaay, Cebron kee Quddiyeelik ten.

1 Aydaad 6:24

Assiriiy Tacat xaleeh, Tacataay Uriyel xaleeh, Uriyeliiy Quddiyya xaleeh, Quddiyyaay Saawul xale.

1 Aydaad 6:29

Maraarik rade mari ah keeni. Macli Libni xaleeh, Libniiy Simqi xaleeh, Simqiiy Qudda xaleeh

1 Aydaad 16:41

Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.