1 Aydaad 14:10 - NABUWWA KEE MALIKWA

¹⁰ Dawud Yallal fayu essereeh iyyemii, «Yi Dageltaw, Filistiin marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih «Yeeyik, keenik koo aysiiseyyok, gexay qeebi keenit ab» 'yaanam kaal gacse.

1 Aydaad 14:10 Referans Kwoze

1 Aydaad 14:14

Dawud kaadu qagteh, Yallal fayu essere. Too saaku Yalli kaak iyyeemih, «Akkel qeebi keenit maabinay; gexxa xicaay woo coox elle yani'kke gufta waqdi, qeebih bical gac.

1 Aydaad 13:3

Sarrak kaadu Yallih-Qahdih-Sanduguy Saawul dardaare saaku amo akak wagte weenihiyya akke fan bahnay» 'yaanamah mala keenil baahe.

1 Malikwa 22:6

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad; YALLI nasri koh aceelek» kaak iyyen.

2 Samuwel 5:19

Dawud YALLAK fayu essereeh, «YALLAW, Filistiin-marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih, «Yeeyik, keenik koo aysiiseyyok, gexay qeebi keenit ab» 'yaanam kaal gacse.

2 Samuwel 2:1

Waqlak wadir Dawud YALLAK, «YALLAW, Yuudâ-rasul tan magaaloolik tiyak teena fan maay gexo?» iyye. YALLI, «Gexay daffey» kaak iyye. Dawud, «Anni magaala fan gexo?» iyye. YALLI «Cebron-magaala fan gex» kaak iyye.

1 Samuwel 30:8

Sarrak Dawud YALLA essereemih, «A gaadileh lakat maay gexo? Gexek ken abbixeyyo'nnaa?» iyye. YALLI kaal gacsemii, «Lakat keenik gex. Ken abbixettooh seewah been mara catettok» kaak iyye.

2 Samuwel 5:23

Too waqdi Dawud kaadu qagseh YALLAK, «Maca aboo?» iyye. YALLI kaak iyyeemih, «Away elle tani'kkeek qeebi keenit maabinay; darre le kabuk maro keenit hayya haay, woo coox elle yani'kkeek qeebi abta'gidih bical gac.

1 Aydaad 14:9

Filistiin-mari Refaayim Golo deqsitta golo gufen waqdi, ummatta buubaanam qimbisen.

1 Aydaad 14:11

Yallak too gacsa gee waqdi, Baqal-Faraadim deqsita aracal qeebi keenit abeeh keenik yeyseh. Keenik yeyse waqdi, «Yalli yi naqboytit weeqi innah yi duufut bayse» 'yaanam iyye. Too aracak Baqal-Faraadim akah iyyeenim tohu.