1 Aydaad 13:12 - NABUWWA KEE MALIKWA

¹² Tohuk wadir Dawud Yallak meysitak raaqeeh, «Ahaysa, YALLIH Qahdi adda akak yan Sandug yi magaala fan beyam matakka» iyye.

1 Aydaad 13:12 Referans Kwoze

1 Malikwa 8:27

«Yi Dageltaw, baaxo koo tabbixeemih dudda geelee? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

1 Samuwel 6:20

Tohuk gexxaamah Beet-Semes mari iyyemii, «YALLAY *kudduusuk yan Yallah yanihiyyah foocal, iyyi soolu duudaah? Ninnik kaa nayxeeri'gidih, manke kaa rubnaah?» iyyen.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

1 Aydaad 13:11

Dawud, YALLI bagcarriteh Qudda digaalem yuble waqdi yinqibeh. Tohuk wadir too aracak Fares-Qudda axcuk raaqen.

1 Aydaad 13:13

Sarrak woo Sandug Yarusalaam fanah beyaamak raaqeh; Yoobad-Edom deqsita numuy Gat magaalal yoobokehiyyah buxal cabe.