1 Aydaad 12:40 - NABUWWA KEE MALIKWA

⁴⁰ Kilbat le kabut raqta baaxoy Issakar kee Dablon kee Naftaali kedo elle tanihiyyay Cebroonuk xeeruk raqtahiyyaak, danoona kee gaala kee baakil kee awurwal, riyen bulul kee sublâ-xayloy kafseenihiyya kee kafsen qinab-xaylo kee qinabak bicsen kamri kee caxâ xaylok bicsen *zeyti (saliid) eerra heenih tokke baahen. Tohuk kalah kaadu, laa kee illiy yasguudoonu waanahiyya baahen. Ta axxul le bica kee mattacoy ummatta bahtehiyya Dawud dardaareemih fayxih farcatah aben.

1 Aydaad 12:40 Referans Kwoze

1 Samuwel 25:18

Toh toobbe waqdi, Abiigal namma boolih gaqamboyta kee, namma saaray qinabak bicsen kamrik kibuk yaniiy, illik konooyuy tusguudeh solal alassehiyyaay, alok koona kafaqaay, kafsen qinab-xaylok bool gaqamboyta kee, sublâ-xayloy kafseenihiyyak namma boolih gaqamboyta sissikuk danoonal eerra hayteh,

2 Samuwel 16:1

Dawud qaleh amook, qunxuum addah ooba waqdi, garciik Xibat yongoorowe. Xiba Mafibosetih taamita numuk ten. Xiba, namma boolih gaqamboyta kee, kafsen qinab-xaylok bool gaqamboyta kee, bool yakke caxâ-miru kee qinabak bicsen kamrik kiben saar, koori le danoonak nammayay cixut yabbixehiyyal eerra heeh baahe.

2 Malikwa 11:20

Ummatta inkih ruffa 'teeh; Qatalya malik-buxal qideenimih sabbatah, magaalal karbacca intam masuginna.

1 Malikwa 1:40

Tohuk lakal yakkeenimiik lakak kaa katayak, qililisakaay fooxima fooxisak, baaxo edde engeyya 'ta farcih africuk, Yarusalaam fan yuduuren.

1 Aydaad 12:39

Tokkel Dawud lih sidooca ayro aseeniih, ken toobokoy baaxo ken lih lehiyya qibnaytiinoh keenih bicisse leek-maaqo adoobitak sugen.

1 Aydaad 13:1

Malik Dawud alfi-alfi kee bool-boolul kurrunte qaskarak abbobtih yen mara lih malloysiteeh,

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.

1 Aydaad 29:22

Tohuk gexxaamah, uqubba heeniih, maaqo akamuk, farcatat YALLIH qiidih asen. Dawud baxa Suleeman nammeyhaak malik aben. Too saaku YALLIH migaq edde xagak, malik yakke'gidih kaa yuskuteeniih isinni malik kaa aben. Kaxxa-seekih kaadu Saaduk yuskuten.