1 Aydaad 11:14 - NABUWWA KEE MALIKWA

¹⁴ kaa kee Dawud too buqrel qeebi abak elle raqte. Oson Filistiin marak gudel gacca 'yeenih qeebi keenit abak raaqeenih ken qiden. Too saaku too qeebil YALLI kaxxa nasri keenih yecee.

1 Aydaad 11:14 Referans Kwoze

2 Malikwa 5:1

Suuriyah-malik, Niqmaan deqsita Suuriyah-qaskarih-abba kaxxam assakaxxayuk yeneeh kaxxa arac kaah abak yen. Woh akah tekkem, YALLI, Niqmaan gabat Suuriyah qaskarah iisa yeceeh yen. Usuk kaxxa qaskariitak ten. Takkay immay arab takme kaxxam uma dalka luk yen.

2 Samuwel 23:10

Alqedar isi aracak angayye'kal gaba kaak cawalah kaffa intam fan, Filistiin mara seefit selak suge. YALLI too saaku kaxxa nasri keenih yecee. Carbi gaba kale waqdi, Israayil mari Alqedar qeebit elle caben ikke yuduureeniih tokkel rabe marak silac kalen.

1 Samuwel 19:5

Yot maca akkele axce'kal Golyaadat qeebi abeh qideeh; YALLI Israayilih nasri edde yecee. Woo marak neyse saaku, atu isih ruffa intek, a saaku, Dawuduy tuh umaane baahe weel umam akah bahtam faxxaah, sabab maleh kaa akah qiddam faxxam macaay?» kaak iyye.

1 Samuwel 14:23

Beet-Awen deqsita aracak taturra 'yaanam fan qeebi keenit abak sugen. Too ayro YALLI Israayil mara tonnal cate.

1 Aydaad 11:13

Filistiin-mari qeebih Fas-Dammim deqsita aracal gaaboowe saaku, Alqedar Dawud xaquuk qeebi abe. Gabru deqsitta daro elle toobokeh ten buqre ten. Israayil mari Filistiin marak awyah baaxo cabe waqdi,

1 Aydaad 11:15

Ayrok teena «Yaaxigen Soddom» deqsita agiirak sidooca num Dawud fan yemeeten. Dawud too saaku Qadullam rasul tan gablah garil tan kaxxa xaal suge. Filistiin mari kaadu Refaayim Golo deqsitta golol yifdigeenih yenen.