1 Aydaad 10:4 - NABUWWA KEE MALIKWA

⁴ Too waqdi silac kaah akkuquk suge furraynuh yan numuk iyyeemih, «A diini-maleelah tan Filistiin ummatta yoo qiddeh yol tirtirissaamak, ama tikyal lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

1 Aydaad 10:4 Referans Kwoze

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

1 Aydaad 10:5

Taaxige furrayni Saawul rabem yuble waqdi, isi seef siibeh isit heeh edde rabe.

1 Malikwa 16:18

Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

Makaabon 16:21

Filistiin mari kaa yibbixeeh, namma inti kaak yeyyeeqeenih. Gaada deqsita arac kaa beeniih, tokkel nacaasak bicsen silsilatat kaa yoxeen. Casbit kaa heeniih daro eceyyal kaa riysiisen.

Makaabon 15:18

Sarrak Samsoon kaxxam bakaariteeh; too waqdi YALLAL weeqeeh iyyemii, «A gid takke qande yoh teceeh iisa yoh tecee. Takkay immay bakaarah rabam faxaah, a diini-maleelah tan *Filistiin yoo tabbixem faxxa, YALLAW» iyye.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

2 Samuwel 1:6

Awki kaal gacseemih, «Gilbowaq qaleh amol suge waqdi, Saawul macaxul qekuh yaniih, naqboytit carbi edde aban gaariira kee faariisah amot gacca 'teh kaa fan amaatuk sugtem uble.

1 Aydaad 10:3

Qeebi rade waqdi Saawul elle suge kabul kaxxam qilsuk yeneeh; tonna-leemik Filistiin qaskar rubteh tan gaysê-baxat kaxxam mudduumeeh madaluh raaqe.