1 Aydaad 1:44 - NABUWWA KEE MALIKWA

⁴⁴ Belaq rabe saaku, Bosra deqsitta magaalal yooboke Derac deqsita numih baxay migaaqah Yobab deqsitahiyya kay lakal dardaare.

1 Aydaad 1:44 Referans Kwoze

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Qaamus 1:12

Tonna-leemiik Teman deqsitta magaalat gira ruubeyyo. Bosra deqsitta magaalal tan megdebitte kaadu carariseyyo› iyya» 'yaanam iyye.

Ermiyaas 49:13

Bosrâ-magaalat baati akkeleemih inni migaaqal xiibita. Umâ-yabulih tanim teetit akkeleeh, num sinniih lac sinni abuuruh raaqele. Sahda teetil anqaasele. ‹Bosrat tekkem siinit takkay› axcuk abaaroh tet haysitelon. Tet dariifal tan gaandoodi abur akkele. Kulli waqdi abuuruh raaqele. Tahat yabtam yoo YALLA» 'yaanam iyye.