Mateo 26:40 - Nahuatl Tetelcingo

⁴⁰ Hua ohualbiloac intlac tiemachtejcöhua, hua oquenniextiluco cojcochtaya. Quelfejque Piero: ―¿Quie abele nentlachixtaque ca naja nion sie ura?

Mateo 26:40 Referans Kwoze

Mörcos 14:37

Hua hualiloac hua quenniextiluco cojcochtecate. Quelfejque Piero: ―Semu, ¿tecochteca? ¿Abele tetlachixtas nion sie ura?

Lucas 22:45

Hua neajcoquihuac de ipa netlajtlötlajtelestle, hua ohualiloac intlac tiemachtejcöhua. Oquenniextiluco cojcochtaya porque moyulcocoöya lalebes.

Mateo 26:43

Cuöc ohualiloac ocsajpa, oquenniextiluco cojcochtecate, porque lalebes cojcochesnequeya.

Lucas 9:32

Hua Piero hua icompanierojua lalebes cojcochesnequeya. Pero cuöc otlachixque, oquejtaque tietlaniexteles, hua quemejtaque inu unte tlöca tli oyejyeya tieca.

Mateo 26:35

Otieyelfe Piero: ―Mösque quejtus nemeques ca tejuatzi, pero amo temetzmonegörfis. Hua innochtie tiemachtejcöhua nuyejque oquejtoöya ejqueu.

Mateo 26:38

Yecuöquenu oquemelfejque: ―Lalebes meyac tequepachule quepea noölma, hasta sana nemequesneque. Xomocöhuacö necö, hua xetlachixtacö ca naja.

Mateo 25:5

Hua omochi que obejcö montle, hua ocojcochtaque innochtie.

Mateo 26:41

Xetlachixtacö hua xomotlötlajticö, para amo nemiechyulmötocas Amo Cuale Tlöcatl. Melöhuac toyulo cuejcuesebe, cache tonacayo débil icaca.