Mateo 20:2 - Nahuatl Tetelcingo

² Hua oquemelfe tequetque que quentlaxtlöbis sie denario tomi por tunale. Entunses oquentitla ipan huierta.

Mateo 20:2 Referans Kwoze

Apocalipsis 6:6

Hua onejcac quieme tlajtule innepantla de inu nöbeme tli yulejtecate. Oquejto: ―Sie kilo de trigo ma balierebe lo que tli sente tlöcatl quetlönea pan tunale, hua yeye kilo de ceböda ma balierebe iguöl, pero amo tli xecchibele asiete hua vino.

2 Timoteo 3:15

hua tecmate que desde cuöc tetzitzequetzi teyeya ye tequixomate tieömahua Deus. Pos yejua ömame cuale metzmachtisque para tomomöquextis por tomoneltocas tieca Cristo Jesús.

Lucas 10:35

Hua ipa mustlateca cuöc ye iyös, oquequexte ume monedas, hua oquemacac chöne. Hua oquelfe: “Xeniechmixutelele, hua noche tli ocseque tomocastörfis por yaja, naja cuöc nocuepas temetzmotlaxtlöbelelis”.

Lucas 1:15

Porque yaja bieye iyes para ca Deus. Amo conis vino nimpor sidra. Tientas iyulo ca Espíritu Sönto desde cuöc iyes ijtecopa inöntzi.

Mateo 22:19

Xeniechejteticö inu tomi de contribuseyu. Hua yejua otieyejtetejque sie denario tomi.

Mateo 20:13

Hua yaja onöhuat, oquelfe sente de yejua: “Amigo, amo temetzchibelejteca tli amo cuale. ¿Amo melöhuac que totlölejque de acuierdo para naja temetztlaxtlöbis sie denario?

Mateo 18:28

Hua cuöc oquis inu nieca tlatequepano, oqueniextito sente itlöcaicni, que quebiquelejtaya quiesquete piesos. Hua ocasec, hua quepötzmectiöya. Oquejto: “Xeniechtlaxtlöbele tli teniechbiquelea”.

Mateo 9:37

Yecuöquenu oquemelfejque tiemachtejcöhua: ―Inu meyac giente cate quiename sente tlamochihualestle tli bieye ica. Pero tejua tli tepejpexca sa quiesquete tecate.

Mateo 20:1

’Porque quiene Deus tlamandöruro desde elfecac icaca quiename sente tlöcatl chöne, que oquis ca cualcö quensentlölito tequetque para tequetesque ipa ihuierta de uvas.

Mateo 20:3

Hua quieme ca pan checnöbe ura oquis, hua oquemejtac ocseque oijcataya pan plöza hua amo tli axtaya.

Mörcos 12:15

Pos yejuatzi casojcömatihuataya quiene yejua quepeaya ume inxöyac. Quemelfejque: ―¿Tlica nenniechproböroa naja? Xeniechhualequelicö denario tomi ma nequejta.

Lucas 20:24

―Xeniechejteticö denario tomi. ¿Öqueniji ixöyac quepea, hua öquenu ihuöxca inu tlajcuelule? Yejua oquejtojque: ―De César.

Mateo 20:9

Hua cuöc onhuölajque tli ocalajque ipa möcuile ura, oquenmacac siesen denario.