Mateo 14:28 - Nahuatl Tetelcingo

²⁸ Yecuöquenu otienönquele Piero, hua oquejto: ―Tlöcatzintle, tlö tejuatzi tomobetzteca, xomotlanahuatele ma nuyejque naja ma neya ca tejuatzi hua ma nenejnemete ipa ötzintle.

Mateo 14:28 Referans Kwoze

Juan 6:68

Otienönquele Semu Piero: ―Tlöcatzintle, tlö temetzmocöbelisque, ¿öque ica teyösque? Tejuatzi tomopilea tlajtule tli tiechmaca nemelestle nochepa.

Romanos 12:3

Nequejtoa noso por tiefavur tli niechmacaque Deus, öque beletes tli icaca nemotzölö majcamo mobieyenenebele cache de lo que tli conbenierebe. Cache cuale ma queyecpensöro cuale de yaja mismo hua ma monenebele, hua ejqueu ma quejta quiejquech neltoquelestle oquetocöro de inu tli Deus quexiexelfilo cara sesen tlöcatl.

Mateo 19:27

Entunses Piero otieyelfe: ―Xomojtele, tejua otejcöjque noche, hua otemetzmotoquelejque. ¿Tli noso tecpeasque?

Mörcos 14:31

Cache yaja oquesequiro lalebes tlajtlajtoöya: ―Mös cana nemeques ca tejuatzi, pero amo temetzmonegörfis. Innochtie ejqueu nuyejque quejtoöya.

Mateo 14:27

Cache nima Jesús oquennutzque, oquemelfejque: ―Xomoyulölicö; naja necaca. Amo xomomajticö.

Mateo 14:29

Hua yejuatzi oquejtojque: ―Xehuöla. Hua cuöc otemuc de ipa börco, onejnemeya ipa ötzintle hua tienömequeto Jesús.

Santiöco 1:6

Pero ma quetlajtlane ca nochaja neltoquelestle, hua majcamo iye de ume iyulo. Pos öque moyulcuiecuecteneme noso ica de ume iyulo, yaja icaca quiename ötzintle de lamör que ayec moquetza, tlöcamo yejyecatl quebica hua quetlajcale cöne queneques.