Juan 19:6 - Nahuatl Tetelcingo

⁶ Hua cuöc tieijtaque jefes de teopexcötzetzi hua policías, otzajtzajtzeque: ―Xomocoruspelfe, xomocoruspelfe. Oquemelfe Pilöto: ―Xecönaco nemejua hua xejcoruspelucö, ipampa naja amo tli necniextelea tlajtlacule.

Juan 19:6 Referans Kwoze

Juan 18:31

Yecuöquenu oquejto Pilöto: ―Xecbicacö nemejua hua xecjuscörucö por nemoley. Hua joriojte oquelfejque: ―Mocubiernojtzi amo tiechpermitiroa yeca tecmectisque.

Juan 19:4

Yecuöquenu Pilöto oquis ocsajpa, hua oquemelfe joriojte: ―Xequejtacö, necö necbicatz ca queyöhuac para nenquejtasque que naja amo tli tlajtlacule necniextelea.

Hechos 7:52

¿Cuale nenquetieniehuasque mös sente tlayulepante tli amo quetepotztocaque nemotötajua? Pos nemotötajua quenmejmectejque niecate tlayulepantejque tli ca ye niepa oquejtojque que sie tunale axihuaqui yejuatzi öque yectec. Pos quiemach onaxihuaco hua nemejua onentiemöctejque ca ocseque tlöca hua nentiemectejque.

Hechos 2:23

Ini nöiloac Jesús Deus otietiemöctejque ca nemejua, porque ejqueu Deus oquetzontejque antes hua oquematque que quechihualusquiöya ejqueu. Hua inmöcopa giente petzoteque nentiecoruspelojque Jesús hua ejqueu onentiemectejque.

Juan 19:15

Cache yejua otzajtzajtzeque: ―Xomoquextele, xomoquextele. Xomocoruspelfe. Oquemelfe Pilöto: ―¿Nemorey nejcoruspelus? Onöhuatque jefes de teopexcötzetzi: ―Amo tecpea rey tlöcamo sa yaja César.

Lucas 23:4

Hua Pilöto oquemelfe inu jefes de teopexcötzetzi, hua inu giente tli tlamachyeya: ―Niontle tlajtlacule amo necniextea ica ini nönca tlöcatl.

Mateo 27:24

Hua cuöc oquejtac Pilöto que abele tli quechihuaya, antes cache yejua chöchalöneya, oquecuec ötzintle hua omomöpajpöc imixtla de inu giente. Oquejto: ―Amo tli tlajtlacule necpea naja de imequeles de ini nönca tlöcatl. Nemejua nemiechtocörus nenquejtasque.

Mateo 27:22

Pilöto oquemelfe: ―¿Tli noso necchibelis inu Jesús öque giente quecuitea Cristo? Oquelfejque innochtie: ―Ma mocoruspelo.

Mateo 26:58

Cache Piero tietocaya bejcateca hasta cöne pötio de ichö de tlajtojcöteopexque. Hua ocalac ca tlaijtec, hua ompa omotlöle ca yejua de guardia, para quejtas quiene ca tlames inu asunto.

Juan 18:3

Judas, noso, quemönato soltörojte ca tiehua policías de tlötlayecönque de teopexcotzetzi hua de fariseos. Hua oaseto ompa ica tlobilte, hua tlobilecutl, hua teposme.

Juan 18:38

Otieyelfe Pilöto: ―¿Hua tlin inu yaja lo que tli ica melöhuac? Hua cuöc oquejto ini nönca, oquis ocsajpa inca joriojte, hua oquemelfe: ―Naja amo nequejtelea niontle tlajtlacule.