Hechos 4:26 - Nahuatl Tetelcingo

²⁶ Omosentlölejque reyes de noche tlöltecpactle. Nuyejque tlötlajtoönejme omochijque quieme sasie tlöcatl cuntra Deus hua cuntra Cristo öque yejuatzi tieixpejpenque.

Hechos 4:26 Referans Kwoze

Hechos 10:38

Nenquemate quiene ca Deus otiemacuc Jesús de Nazaret beletelestle de Espíritu Sönto. Nenquemate quiene ca Jesús quechihualutenemeya tlin cuale. Oquenpajtejque innochtie tli inu diöblo oquenchihualtiöya ma quesufrirucö. Jesús oquechijque noche inu porque Deus otiepaliebejque.

Hebreos 1:9

Tectlasojtla yectelestle, hua tectlajyelejta tlajtlacule. Ipampaju Deus, öque iloac Deus de taja, metzteochijque ca cache meyac pöquelestle que inu ocseque mocompanierojua.

Lucas 4:18

TieEspíritu Tlöcatzintle iloac ipa noyulo. Ejqueu niechixpejpenque para ma netlanunutza de cuale tlamachestelestle ca tli porubejte. Niechhualtitlanque para netlamachestis de que priesoste cuale quisasque de incörsel, hua ixcocoxcötzetzi ye cuale tlacheasque, hua tli omolastimörojque ye cuale yesque libres.

Apocalipsis 17:17

Pos yejuatzi Deus quenchihualtilo ma quenequecö quechihuasque lo que tli Deus queplaneörojque. Quechihuasque inu lo que tli Deus queplaneörojque cuöc motlölisque de acuierdo para quemacasque inchecöhuales ca inu petzoyulcötl. Hua ejqueu mocumplirus lo que tli Deus oquejtojque.

Apocalipsis 12:10

Entunses onejcac sente tlajtule checöhuac ompa elfecac. Quejtoöya: Ye aseco nönca tiempo cuöc Deus quenmöquextisque giente, hua ca fuiersa hua ca meyac checöhualestle tlamandörurus. Ye tequetztecate tiechecöhuales de Cristo öque Deus tieixpejpenque. Pos ye quetitlanque hasta tlölpa inu Tlatieyelfiöne, öque yohualen tunale quentieyelfiöya tocnihua tieixpa Deus.

Apocalipsis 11:15

Entunses inu checume öngel ontlapitz. Cuöquenu ocaquestec tlajtulme ompa elfecac. Quejejtoöya: Noche ichecöhuales tlöltecpactle ye tieinhuöxca toTlöcatzintle Deus hua Cristo öque Deus tieixpejpenque; Hua yejuatzi tlacubernörusque nochepa.