Titus 3:8 - Nouveau Testament en Ngienboum

⁸ Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Titus 3:8 Referans Kwoze

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Roma 4:5

Tá ńké ńgʉa ná nyìŋ gẅie à kaa lɔg pɔ́ mefà’ mé wɔ́, ńzáb pɔ́ ndà’ ntʉ́m wé nà Ssé gẅie à gÿo nyìŋ tepòŋ cʉ́’ʉ nyìŋ gẅie aa ndʉŋ ndʉŋ mvfò yé, e Ssé lɔg pú’u, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Ŋwà’ne Jâŋ 12:44

Yěsô ńnéŋe tà ńgɔɔn nê ngyè tetʉ́ʉ ngie: Nyìŋ lɔɔn ńzáb ntʉ́m ná mèŋ, mbà ngàŋ tě ńzába pɔ́ ndà’ ná mèŋ wɔ́. À giŋé ńzába ná nyìŋ gẅie à la túmo wɔ̀ɔn.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Filemo 1:11

Á laa tsɔ́ fʉ̀’ ɔ̀ těen ńzẅɛ́’ɛ yé wɔ́ tá’, á ké ńgwɔ́ fʉ̀’ɔɔn ɔ́ɔ gwaa ne zẅɛ́’ɛ yé, mèŋ n ne ńzẅɛ́’ɛ yé yɔ́ɔn.

2 Korento 4:13

Ŋwà’ne Ssé gɔɔn ngie: N ka záb ntʉ́m nà Ssé, áa mmó gie á ka gÿo mèŋ n gɔɔn nò, peg ka lɔg pá’ peg záb ntʉ̀m nà Ssé, á nà yɛ̌ ntí, ńgẅiin yég pɔ́ légɔɔn nò Ssé,

Megàŋ ntúm 12:15

Pɔ́ gɔɔn né yé ngie: Ɔ̀ɔ pʉ̀a! Á gɔɔn ngie n gɔɔn shwóŋó nò. À wɛ̂ ncwò nká’. Pɔ́ gɔɔn ngie ndyɛ̀’, mbà à gwɔ́ pɔ́ *cÿɔ́’ Ssé gẅie aa ḿbyɛ́bɛ yé.

Efeso 4:28

Pʉ̀a pie pɔ́ gẅiin mà léjʉ gwá’ tsǒŋ, ńcʉ́’ ńdɔg mbwó mɔ́b, éfa’ tà ńtéŋe zì’i ńzsé ngie pɔ́ ge gẅiin mmó tà lɔgɔ tsɔ́ é kẅéte pʉ̀a pie é ne ńzága yɔ́b,

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Heber 10:24

Tà nyìŋ wege gwá’a lÿɔ̀g á lélíe fɛ́ we, á gíŋ ńdíe yé yé, ńzsé ngie pege ge lɔg pú’u, kẅiŋte membùm mégè ná legẅiin nkwòŋe mbɔɔ ná lefa’ mefà’ mbòŋo.

Matio 20:4

Á gɔɔn né pɔ́b ngie: Pi gʉa gí nká’ mèŋ fa’a fà’. Mèŋ n ge gÿo lʉŋte gẅi ntsɔ’ɔ́ fà’ ná fà’a gí.