Titus 3:5 - Nouveau Testament en Ngienboum

⁵ á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.

Titus 3:5 Referans Kwoze

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

1 Korento 6:11

Áa pá’ tsɔ́ pʉ̀a tsetsɛ̀ɛ pi ka zɔɔn ńgwɔ́ pú’u. Tá’ e Ssé ka sɔg mɛ̌ menò ná pi, ńdɔgɔ gẅi ńgÿo pʉ̀a pé. E Ssé yege ka lɔgɔ Zẅìge yé ńgÿo pi cʉ́’ ńgwɔ́ pɔ́ pʉ̀a pie ée ndʉŋ ndʉŋ mvfò ye ńtí Cʉ̀apʉ̀a Yěsô Kristo.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Efeso 2:4

Tá’ e Ssé kě ńtsɔ́ɔn mezìŋe pʉ̀a mesoŋ tɛ’. Á la piŋ ńcʉa pɔ́ nà ntí gie à la lɔg ńkwoŋo wégè,

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.

Roma 11:6

Á lɔɔn ńgwɔ́ gie e Ssé ka cÿó gem yɔ́b ńtsɔ́’ɔ wɔ́b, mbà á té ńdɔgɔ ńgwɔ́ ngie pɔ́ ka gÿo tsɔ́ mmó mbòŋo wɔ́. E Ssé ka gwé’e éfó pɔ́ nà mmó mbòŋo gie pɔ́ gÿǒ tá ńtsɔ́’ɔ wɔ́b, mbà ńgwɔ́ mé le gíŋe ngie à kɔ̌ɔn ńdɔgɔ ńcÿó gem yɔ́b wɔ́.

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

Galatia 2:16

Tá’ peg ké ně ńzsé ngie nyìŋ mésoŋ tè gwaa gwɔ́ nyìŋ gẅie e Ssé cʉ̌’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé, á fóo ná pá’ ngàŋ gɔɔn ngie à kú’te *lepʉ̌ Ssé wɔ́. Á zɛ́te pɔ́ ngie à záb ntʉ́m wé ná Yěsô Kristo. Áa mmó gie á la gÿo peg yég la záb ntʉ́m wég ná Yěsô Kristo, pá’ peg ge gwɔ́ pʉ̀a pie e Ssé cʉ’ʉ́ ńdíe wɔ́b pɔ́ pá’ pʉ̀a pie ée ndʉŋ ndʉŋ. À ké fó pɔ́ ná pá’ peg zǎb ntʉ́m ná Kristo, tà á le gwɔ́ pɔ́ nò gie peg ku’té *lepʉ̌ wɔ́, á nue e Ssé la zɔɔn ńgɔɔn ngie sɔɔn nyìŋ té lá’ gwɔ ku’u légwɔ́ ndʉŋ ndʉŋ mvfò yé à fó ná pá’ ngàŋ gɔɔn ngie à ku’té *lepʉ̌ wɔ́.

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

Efeso 4:23

Á gíŋe ne ńzɛ́te ná fʉ̀’ɔɔn ngie pi zẅíŋ e Ssé kúbe mà gẅi, à cʉ́’ʉ we sẅé, mbɔɔ nkwaŋá gẅi e cʉ́’ we sẅé.

Roma 3:28

Peg zɔɔn ne ńzsé yég ngie: E Ssé gwɔ́ líe nyìŋ á gwɔ́ ndʉŋ ndʉŋ mvfò yé, ńtí pɔ́ nò gie à zǎb ntʉ́m wé ná Yěsô, á té fóo ná pá’ à gÿǒ mmó gie *lepʉ̌ ne ńzɛ́te wɔ́.

Roma 9:11

E Ssé la gɔɔn mbwo Rebéka ngie, mvfò múɔ ge gÿo fa’a mbwo nzèm. E Ssé la gwɔ́ gɔɔn pá’ɔɔn, má wɔ́b nyé pɔ́ shwòŋ pɔ́b, mbà à kaa zyé wɔ́b tà pɔ́ zsé nò mbòŋo kà ye tepòŋ wɔ́ wɔ́. E Ssé la gÿo pá’ɔɔn lélɔg ńnyɛ ngie à ńnéŋe ńgÿo pɔ́ mmó gie yé Ssé ne ńkwoŋo. À gwɔ́ gʉa nùɔ pʉ̀a é tsɔ́’ɔ nyìŋ we, à tè fó pɔ́ nà nò mbòŋo gie ngàŋ gÿǒ wɔ́.

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

Lukase 1:54

À tóo ńkẅéte pʉ̀a Israel, é megàŋa fà’ pé À kaa lege lényɛɛ pòŋo ntʉ́m yé wɔ́,

Lukase 1:50

À gÿo nò mbòŋo ná pʉ̀a pie pɔ́ kwoŋo yé ḿbiŋ ńgu’te ye, ńgíŋe ńgÿo ná púɔ pɔ́b á ná mejwoŋó mejwoŋó

Titus 3:4

Tá’ e Ssé gẅie à gÿo pege tsẅɛ́ɛ nyɛ ngie ntʉ́m wé poŋ, á piŋ ńkwoŋ pʉ̀a mesoŋ,

Roma 9:30

Pege fó ná yɔɔn nò ńgyá ngie kɔ́? Pege gyá ngie tà mbɔɔ pá’ pʉ̀a pie é té pà Yuda wɔ́ la tè ne fa’a shÿó légwɔ́ pʉ̀a pie ée ndʉŋ ndʉŋ mvfò Ssé wɔ́, eshÿó la kẅɛɛ mbwo pɔ́b. Á gwɔ́ pá’ pɔ́ la záb ntʉ́m wɔ́b ná Kristo, e Ssé cʉ́’ ńdíe wɔ́b pɔ́ gwɔ́ pɔ́ ndʉŋ ndʉŋ mvfò yé,

Roma 9:16

Pege lɔgɔ ńgyá ngie e Ssé gwɔ́ tsɔ́’ɔ nyìŋ à tè fó pɔ́ ná pá’ ngàŋ kwǒŋ wɔ́, ńké tè fó ná pá’ ngàŋ kǎg tʉ̀ ńgÿo tsɔ́ mmó wɔ́, á fó pɔ́ ná pá’ yé Ssé tsɔ́ɔn mezìŋe ngàŋ.

Roma 4:5

Tá ńké ńgʉa ná nyìŋ gẅie à kaa lɔg pɔ́ mefà’ mé wɔ́, ńzáb pɔ́ ndà’ ntʉ́m wé nà Ssé gẅie à gÿo nyìŋ tepòŋ cʉ́’ʉ nyìŋ gẅie aa ndʉŋ ndʉŋ mvfò yé, e Ssé lɔg pú’u, ńcʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Lukase 1:72

Wɔɔn aa pá’ poŋo ntʉ́m Ssé la zye ná pàmangʉa njʉ̀’ pégè, à giŋé ńgwɔ́ lyɛ̌’ɔɔn, ńkímte *kʉ̀a ndʉalʉ̌a gie pâ pɔ́ la gwa,

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.