Titus 3:3 - Nouveau Testament en Ngienboum

³ Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Titus 3:3 Referans Kwoze

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

Kolosia 3:7

ée menò mie pi ka ne ńgÿo á fʉ̀’ gie mɔɔn menò tepòŋ ka nyě sá’a gẅí.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

2 Korento 12:20

N zɔɔn ne ḿbɔ́gɔ légwɔ́ gie à lɔɔn ńgwɔ́ n gÿo tóo lá’ pi, ńgyá pi le gwɔ́ nà ntí gie mèŋ n ne ńkwoŋo wɔ́. Mèŋ yɔ́ɔn n ké le gwɔ́ nà ntí gie pi ne ńkwoŋo wɔ́. Mèŋ n ne ḿbɔ́gɔ ngie ńgwɔ́ n gwɔ́ tó mencwò mencwò gwɔ́ tsetsɛ̀ɛ pi, kègɔ́’ gwɔ́ wó, acÿɔ́g gwɔ́ wó, lézoŋ jʉ’ gwɔ́ wó, lekimé nyìŋ tepòŋ gwɔ́ wó, shwóŋte gwɔ́ wó, aŋá’te nɛ́ gwɔ́ wó, atág gwɔ́ wó.

Ŋwà’ne Jâŋ 8:34

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, mânyìŋ ntsèm gẅie à gÿo nò tepòŋ, aa nkwɔɔn nò tepòŋ.

Matio 21:29

Á tsɔ́’ ngie: Mèŋ n dʉ̌’. Mbiŋ ńnéŋe, ńdʉa mmó gie á ně ńgÿo á gɔɔn pú’u, ńgʉa né nká’.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

Galatia 6:3

Nyìŋ lɔɔn ńkwaŋ ngie aa mmó, té gwɔ́ yɛ̌ mmó, mbà à sele fʉte twó mbùm yé.

Lukase 21:8

Á tsɔ́’ ngie: Pi laga twó gí, ḿbɔ́ɔn nyìŋ léfʉʉ gẅí. Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔ́ɔ ná pɔ́b wɔ́ gɔɔn ngie aa *Nzà’nkÿo, afʉ̀’ ku’ú. Pɔ́ lɔɔn ńgɔɔn pú’u, tà pi mɔ́ɔn tà ńcʉ́me nzèm pɔ́b.

Ŋwà’ne Ngyà jʉ’ 18:2

Á lɔg ngyè tetʉ́ʉ ńgɔɔn ngie: À kéen ńgwe ssé. N gɔ̌ɔn ngie à kéen ńgwe ssé. N gɔɔn máamáa tÿǒsoŋo Mbabilonia. Mbabilonia kéen ńcʉ́’ mbʉ̀a *messé tepòŋ, ńcʉ́’ nkʉ̀a mezẅìge tepòŋ ntsèm, mbaa ye meshʉ́ŋ pie nzse ée ná pɔ́b, á lépfɛ́, mé piŋ tè nò yɔ́b kwòŋ,

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

Roma 6:12

Pú’u la, á té ne ńzɛ́te ngie anò tepòŋ gíŋe sá’ mbùm nnɛ́ gi gie e ge gÿo kwé wɔ́, pi pɔ́ɔn légíŋe ńnyé mbùm gi é tsóte gẅi ńnéŋe tsɛ̀ɛ kegɔ́’.

Roma 11:30

Á laa tsɔ́ fʉ̀’ pi pie pi tè pà Yuda wɔ́, pi tʉʉ twó mbwo Ssé, tá á ké ńgwɔ́ fʉ̀’ɔɔn, mbà Ssé ka tsɔ́ɔn mezìŋe mí, mélà’mie pà Yuda ka tʉʉ twó mbwo yé.

2 Timote 3:6

Etsɔ́ pʉ̀a pú’u, gwá shú ńkú mendá pʉ̀a, ńdÿɔgte pànzwě pie tsẅé yɔ́b zeŋe zeŋe, é gwɔ́ pànzwě pie é gÿo menò tepòŋ tɛ’, ńnéŋe ńtsɔ́ɔn shúm pɔ́ ntí ntí.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.