Titus 3:10 - Nouveau Testament en Ngienboum

¹⁰ Nyìŋ lɔɔn ńgwɔ́ nyìŋ gẅie à ma’a fagte, ɔ̀ pebe yé tà’ legʉ̀a à tè jú’, ɔ̀ pɔ́ɔnte ńgíŋ ḿbebe yé à tè jú’, tà pi yé gíŋe ńteme nò.

Titus 3:10 Referans Kwoze

Roma 16:17

Mefɛ́ pɔ́ɔn, mèŋ n ge gɔɔn né pi ngie pi pɔ́ɔn pʉ̀a pie é ma’a fàgte tsetsɛ̀ɛ pi, ńdɔgɔ pá’ pɔ́ lʉ’ʉ mmó gie mé la zí’i gẅi ná Kristo, ńgÿo pʉ̀a fʉa mánzsè. Pi kÿo pɛ̌ pʉ̀a.

2 Jâŋ 1:10

Nyìŋ lɔɔn ńdɔgɔ tsɔ́ nò ńtóo tsetsɛ̀ɛ pi, tà á té gwɔ́ pɔ́ gie Kristo la zí’i gẅi wɔ́, tà pi kúe yé, tà pi fó ńtsyɛ’te yé mbɔɔ tsyɛ’te.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

2 Tesalonika 3:14

Nyìŋ lʉ’ʉ lé jú’u nò gie peg gɔ̌ɔn tsɛ̀ɛ yɔɔn ŋwà’ne lɔɔn, pi líe yé mboŋó. Tà pia pɔ̌ gíŋe ńtéme nò, ńzsé ngie eshʉ́ ge kúu yé.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.

Galatia 5:20

Pá’ legù’te shúm ngie ee messé, pá’ legẅiin lekàŋ, pá’ lekua mbù, pá’ letǎg melà’, pá’ legẅiin kègɔ́’, pá’ lecÿɔ́g, pá’ lefa’ pɔ́ letyé mvfò nà kɔ̀ɔkɔ́ɔ, pá’ leneŋé fàgte fàgte, pá’ letuŋ metuŋ.

Galatia 5:12

Á gʉa ná pʉ̀a pie é pue gẅi nà nò lépú’u nyìŋ, pɔ́ lɔgɔ nò yɔ́b ńgee mvfò, tà kwà’ pɔ́b sele shʉʉ twó mbùm yɔ́b.

1 Korento 11:19

Áa nénʉ́ ngie pi gwɔ́ tà fagte menùɔ menùɔ, mé fó mǒ ńgyá pʉ̀a pie pɔ́ té kwoŋo fàgte wɔ́.

2 Korento 13:2

Mèŋ n ge tʉ́ njÿó fʉ̀’ɔɔn, é gíŋ gɔɔn nò mbwo pʉ̀a pie á la gwaa gwɔ́ setsɔ́ lekwò, mbà pɔ́ gÿo menò tepòŋ mbɔɔ mbwo mânyìŋ ntsèm. Áa nà lyɛ̌’ɔɔn, mèŋ n te tsetsɛ̀ɛ pi wɔ́, tá mèŋ n ge kímte gẅi nò gie n da gɔɔn né pi á fʉ̀’ gie n da tóo lá’ pi ná mbɔ́ɔntè yépʉ́a. Mèŋ n da gɔɔn ngie n ge gÿo tó, é néŋ ntsaŋ twó mânyìŋ ntsèm gẅie à fʉ̌a nò.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.